Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
"Muaji i Krenarisë", FBI paralajmëron për sulme terroriste të mundshme nga Shteti Islamik gjatë festimeve të komunitetit LGBT
n.fPërditësimi i fundit 15 Maj 2024, 11:05
Foto ilustruese
SHBA- FBI dhe Departamenti Amerikan i Sigurisë Kombëtare kanë dhënë alarmin, duke theksuar se Shteti Islamik (ISIS) po planifikon të nisë sulme terroriste gjatë ngjarjeve të Muajit të Krenarisë në qershor. Pas tre javësh nisin festimet për nder të komunitetit LGBTI+ ndërsa FBI raporton se organizatat e huaja terroriste me shumë gjasa do të godasin vendet ku do të mbahet festa e komunitetit transgjinor. Muaji i Krenarisë, i cili feston dhe nderon komunitetin LGBTQI+ në Shtetet e Bashkuara, zhvillohet çdo vit në qershor.
Megjithatë, festimet e këtij viti do të zhvillohen në një kohë të frikës së shtuar ndaj urrejtjes anti-transgjinore mes incidenteve në rritje të ekstremizmit jo vetëm në SHBA, por në mbarë botën. FBI dhe Departamenti i Sigurisë Kombëtare i SHBA- së lëshuan këtë paralajmërim duke vënë në theksin se organizatat e huaja terroriste ose mbështetësit e tyre, si ISIS mund të kërkojnë të përfitojnë nga organizimet e të LGBTQ + për të kryer akte të dhunshme.
Autoritetet amerikane po u bëjnë thirrje pjesëmarrësve dhe organizatorëve të ngjarjeve të Muajit të Krenarisë të jenë të vazhdimisht në vëzhgim pasi terroristët e huaj mund të përpiqen të anashkalojnë sigurinë brenda ose jashtë dhe madje të imitojnë policinë. Përveç kësaj, ata këshillojnë qytetarët amerikanë dhe ata që marrin pjesë në festimet për komunitetin LGBTI+ që të raportojnë çdo aktivitet të dyshimtë tek autoritetet.
