papa ne tirane
TIRANË- Papa Françesku është ndarë nga jeta ditën e sotme në moshën 88-vjeçare. Më&nbs...
BOTA
Ndarja nga jeta e Papa Françeskut/ Vatikani: Pësoi një goditje cerebrale dhe si pasojë e dështimit të zemrës
M.B.Përditësimi i fundit 21 Prill 2025, 20:27
VATIKAN- Vatikani ka njoftuat se Papa Françesku vdiq nga një goditje në tru dhe si pasojë e dështimit të pakthyeshëm të zemrës. Goditja cerebrale çoi në koma dhe dështim të pakthyeshëm të zemrës, thuhet në certifikatën e vdekjes, e publikuar nga Vatikani. Raporti vjen rreth 12 orë pasi u njoftua vdekja e Papës, i cili vuante nga një sëmundje kronike e mushkërive.
Kohët e fundit shëndeti i tij u përkeqësua shumë si pasojë e pneumonisë, sëmundje që shënjoi jetën e tij që në moshën 21-vjeçare, ku si pasojë e së cilës ai iu nënshtrua një ndërhyrjeje kirurgjikale, ku ju hoq pjesa e sipërme e mushkërisë së djathtë.
Ai u shtrua në spitalin Gemelli më 14 shkurt pas një krizë të frymëmarrjes. Kjo çoi në një qëndrim 38-ditor në spital. Megjithatë, ai doli në publik të dielën e Pashkëve, një ditë para vdekjes së tij, për të bekuar mijëra njerëz në sheshin e Shën Pjetrit.
