Netanyahu: Izraeli do të marrë kontrollin e të gjithë Gazës! Nuk mund të pranojmë imazhe të urisë

IZRAEL- Kryeministri izraelit, Benjamin Netanyahu është shprehur së fundmi se Izraeli do të marrë kontrollin e të gjithë zonës së Rripit të Gazës. Kjo deklaratë e tij vjen mes operacioneve tokësore në shkallë të gjerë nga ushtria izraelite në pjesët veriore dhe jugore të enklavës palestineze.

Netanyahu theksoi se luftimi është intensiv dhe se po përparojnë. Ai më tej në një video të postuar në llogarinë e tij në Telegram tha se nuk do të tërhiqen. Sipas tij për të pasur sukses duhet të veprojnë në një mënyrë të tillë që ata të mos mund t'i ndalojnë dot.

Në të njëjtën kohë, Netanyahu shpjegoi se Izraeli duhet të parandalojë urinë në Gaza për arsye diplomatike disa orë pasi zyra e tij njoftoi se një sasi bazë ushqimi për popullsinë e enklavës palestineze do të lejohej të hynte.

"Nuk duhet ta lejojmë popullsinë të zhytet në uri për arsye praktike dhe për arsye diplomatike", vuri në dukje kryeministri izraelit në këtë video. Ai sqaroi gjithashtu se miqtë e Izraelit i thanë se nuk mund të vazhdonin të mbështesnin vazhdimin e luftës nëse "imazhe të urisë masive" transmetoheshin në Rripin e Gazës.

“Senatorë që unë njoh se mbështesin Izraelin erdhën tek unë dhe më thanë: ‘Ne do t’ju ​​japim të gjithë ndihmën që ju nevojitet për të fituar luftën, por nuk mund të pranojmë imazhe të urisë (nga Gaza)’, tha kryeministri izraelit.