Pas kontrolleve nga SPAK, biznesmeni izraelit, Ron Yeffet, po përballet me telashe edhe në Shtetet e Bashkuara të Amerikës.
Përplasj...
BOTA
Netanyahu pret udhëheqësit e Republika Srpska, nderon Dodikun me çmimin më të lartë
PiranjatPërditësimi i fundit 29 Janar 2026, 22:51
Kryeministri izraelit, Benjamin Netanjahu, ka nderuar me një dekoratë të lartë ish-presidentin e Republikës Srpska të Bosnje-Hercegovinës, Milorad Dodik.
Dodik u prit në një ceremoni zyrtare, ku u vlerësua me çmimin “Jabotinsky për Lirinë”, një nga dekoratat më të larta shtetërore të Izraelit. Çmimi iu dorëzua nga Kryetari i Knessetit, Amir Ohana.
Sipas autoriteteve izraelite, vlerësimi u dha për rolin e Dodik në forcimin e marrëdhënieve dypalëshe mes Izraelit dhe Republikës Srpska, shkruan JerusalemPost.
Në pamjet e publikuara nga mediat dhe të shpërndara në rrjetet sociale, Milorad Dodik shihet gjatë momentit të marrjes së dekoratës, në prani të përfaqësuesve të lartë institucionalë.
Republika Srpska shpalli pavarësinë gati 35 vjet më parë
Republika Srpska shpalli pavarësinë e saj në vitin 1992, ndërsa Jugosllavia e atëhershme federale u shpërbë, duke shkaktuar një luftë 3-vjeçare e gjysmë në të cilën u vranë 100,000 njerëz dhe dy milionë mbetën të pastrehë, shumica prej të cilëve boshnjakë myslimanë.
Republika Srpska dhe Federata Boshnjako-Kroate, të lidhura nëpërmjet një qeverie qendrore të dobët, përbëjnë Bosnjën kryesisht të decentralizuar, e cila doli nga ai konflikt sipas marrëveshjeve të paqes të Dejtonit të vitit 1995, të ndërmjetësuara nga SHBA-të.
