Ditën e sotme dollari amerikan në blerje do të këmbehet me 82.2 lekë, në shitje me 83.2 lekë.
Euro do të blihet me 93...
BOTA
Një "batanije nxehtësie" mbi Evropë/ Ja zonat ku temperaturat arritën 55 gradë Celsius
PiranjatPërditësimi i fundit 25 Qershor 2026, 19:26
Në një imazh të marrë nga misioni Copernicus Sentinel-3 dhe të publikuar nga ESA, nxehtësia intensive që ka prekur Evropën prej ditësh është qartësisht e dukshme.
Ngjyrat e dukshme në hartë variojnë nga vjollca në të kuqe të thellë (që tregojnë temperatura sipërfaqësore deri në 55 gradë Celsius, të vëzhguara në pjesë të Spanjës qendrore, Francës perëndimore dhe Afrikës së Veriut) dhe deri në blu të çelët, duke treguar temperatura më të ulëta sipërfaqësore në rajonet malore. Disa zona ishin të mbuluara nga retë, të paraqitura me të bardhë.
Temperaturat në Evropë dhe lidhja e tyre me El Niño
Sateliti regjistroi temperatura të tokës prej 48 gradë Celsius në Madrid, 44 gradë Celsius në Romë dhe 46 gradë Celsius në Poitiers, Francë, dhe Zaragosa, Spanjë.
Temperaturat e tokës në Afrikën e Veriut janë dukshëm më të larta, duke arritur në 49 gradë Celsius në Tunizi.
Meqenëse sipërfaqe të tilla si shkëmbi, rëra dhe asfalti ruajnë nxehtësinë, ESA shpjegon në faqen e saj të internetit, temperaturat e tokës janë dukshëm më të larta se temperaturat e ajrit.
Ky është një fenomen anormal, që funksionon si një "kupolë e vërtetë me presion të lartë " e bllokuar midis sistemeve me presion të ulët, por nuk është e lidhur drejtpërdrejt me fenomenin El Niño. /PiranjatNews/
