Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Njeriu më i pasur në Katalonjë dhe themeluesi i zinxhirit të veshjeve "Mango" ndërron jetë në moshën 71-vjeçare
r.llPërditësimi i fundit 14 Dhjetor 2024, 19:44
isak andic
SPANJË- Themeluesi i zinxhirit spanjoll të veshjeve Mango, Isak Andic ka ndërruar jetë mesditën e sotme në një aksident malor në Collbato në Barcelonë. Andic, dha frymën e fundit pasi ra në një luginë pranë masivit Montserrat.
Biznesmeni 71-vjeçar, i apasionuar pas malit dhe ecjes, ndodhej në zonën ku ndodhi incidenti fatkeq për të pushuar me familjarët. Në orën 12:30 të së shtunës, familjarët e tij kanë telefonuar në numrin 112, duke kërkuar ndihmë. Një helikopter dhe një ambulancë u dërguan në vendngjarje, por kur ekipet e shpëtimit arritën, ata konfirmuan vdekjen e tij, sipas mediave të huaja.
Sipas policisë, djali i tij Jonathan ishte i pranishëm në momentin e aksidentit. Mjekët i kanë ofruar mbështetje psikologjike familjes, e cila ndodhet në gjendje shoku. Rruga ku ndodhi aksidenti njihet për pjerrtësitë e saj në disa vende.
“Me pikëllim të thellë njoftojmë vdekjen e papritur të Isak Andic, kryetarit tonë joekzekutiv dhe themeluesit të Mango, në një aksident që ndodhi këtë të shtunë. Humbja e tij lë një zbrazëti të madhe, por të gjithë ne jemi, në një farë mënyre, trashëgimia dhe dëshmia e tij për arritjet e tij. Varet nga ne dhe ky është nderimi më i mirë që mund t'i bëjmë Isaac, për të siguruar që Mango të vazhdojë të jetë projekti për të cilin ai aspironte dhe për të cilin do të ishte krenar”, tha shefi ekzekutiv i kompanisë së modës, Tony Ruith. Andic themeloi "Mango"-n në Barcelonë në 1984 dhe zinxhiri i veshjeve tani operon në 120 vende. Ai ishte njeriu më i pasur në Katalonjë me një pasuri të vlerësuar prej 4.5 miliardë euro.
