Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Nuk futën në agjendë Kosovën, deputeti gjerman: Një gabim i rëndë! Do të diskutojmë hapat e mëtejshëm në Vilnius javën e ardhshme
n.fPërditësimi i fundit 17 Maj 2024, 16:37
Frank Schwabe
GJERMANI- Deputeti gjerman i SPD-së, Frank Schwabe, i cili është edhe kryesues i grupit të Socialistëve, Demokratëve dhe të Gjelbërve (SOC) në Këshill të Europës, ka kritikuar qeverinë e tij. Kritikat e Schwabe kanë ardhur pasi qeveria e tij nuk futi kërkesën e Kosovës për anëtarësim në KiE në mbledhjen e sotme të Komitetit të Ministrave.
Ai tha se Komiteti i Ministrave i detyrohet Asamblesë Parlamentare një shpjegim pas rekomandimit me mbi 80 përqind që i bëri për ta bërë Kosovën anëtare.
“Dështimi i qeverisë [gjermane] për të pranuar sot Kosovën në Këshillin e Europës pas miratimit mbi 80 për qind në Asamblenë Parlamentare është një gabim i rëndë. Kosova i përmbush obligimet e përcaktuara nga Asambleja Parlamentare. Këshilli i Europës nuk duhet të lejojë që të diktohet nga Donald Trump dhe Richard Grenell. Komiteti i Ministrave të qeverive i detyrohet Asamblesë Parlamentare një shpjegim dhe një propozim për një afat kohor dhe një rrugë përpara”, ka shkruar ai në X.
Schwabe shtoi se do të diskutohet për këtë çështje në Vilnius javën e ardhshme. Ai shtoi se e ardhmja është me ata që janë të guximshëm.
“Ne do të diskutojmë hapat e mëtejshëm në Komitetin e Përhershëm në Vilnius javën e ardhshme. Faleminderit atyre që kanë ndërmarrë hapa të guximshëm dhe besojnë në fuqinë e Këshillit të Europës. E ardhmja është me ata që janë të guximshëm,” përfundoi ai.
