West Ham ka hyrë në histori si klubi i parë i Championship që arkëton një shifër rekord nga shitja e vetëm dy futbolli...
BOTA
“Nuk kanë gjetur asgjë", zbulohet letra e fundit e Jeffrey Epstein përpara se të vriste veten në burg
PiranjatPërditësimi i fundit 1 Maj 2026, 16:13
Një shënim vetëvrasjeje, i dyshuar se është shkruar nga financieri Jeffrey Epstein, ka qëndruar i mbyllur në gjykatën federale të Nju Jorkut për gati shtatë vjet.
Sipas The New York Times, shënimi u gjet në korrik 2019 nga i burgosuri Nicholas Tartaglione, pak ditë pasi Epstein u gjend pa ndjenja në qelinë e tij me një copë pëlhure rreth qafës. Ai mbijetoi atëherë, por vdiq një muaj më vonë, më 10 gusht.
Epstein kishte lënë mesazhin: “Është koha për të thënë lamtumirë”, sipas dëshmisë së Tartaglione. Shënimi ishte fshehur brenda një libri komik dhe përmbante shënime mbi hetimet ndaj tij, duke shprehur zhgënjim se “nuk kishin gjetur asgjë”.
Dokumenti u vulos nga një gjyqtar federal si pjesë e çështjes penale të Tartaglione, i cili akuzohej për vrasje të katërfishtë. Kjo bëri që hetuesit e vdekjes së Epstein të mos kenë akses në një provë të mundshme mbi gjendjen e tij psikologjike.
Epstein u shpall zyrtarisht i vetëvrarë nga mjeku ligjor i Nju Jorkut, por mangësitë e sigurisë në burgun e Manhattanit dhe kontradiktat në dëshmitë e tij kanë nxitur teori të shumta. Fillimisht ai kishte thënë se Tartaglione e kishte sulmuar, por më vonë deklaroi se nuk kishte pasur probleme me të.
Tartaglione, ish-polic i dënuar me katër burgime të përjetshme në vitin 2023, ka mohuar çdo sulm ndaj Epstein. Ai thotë se e gjeti shënimin rastësisht dhe ia dorëzoi avokatëve të tij, pasi mund të shërbente si provë në rast se Epstein vazhdonte ta akuzonte.
