Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Nuk u paguan paratë e kërkuara, pengmarrësit vrasin futbollistin senegalez!
PiranjatPërditësimi i fundit 19 Tetor 2025, 18:31
Një futbollist i ri është vrarë në mënyrë tragjike nga rrëmbyesit, pasi familja e tij nuk arriti të siguronte shumën e kërkuar për shpërblim. Komuniteti i futbollit senegalez është në zi pas konfirmimit të vdekjes së Cheikh Toure, 18 vjeç. Ministria e Integrimit Afrikan dhe e Punëve të Jashtme të Senegalit publikoi një deklaratë duke njoftuar për vrasjen e portierit të ri, trupi i të cilit u gjet pa jetë në Ganë. Cheikh ishte stërvitur në akademinë Esprit Foot Yeumbeul.
Ai u rrëmbye pasi u mashtrua nga një grup zhvatësish të armatosur, të cilët e bënë të besonte se po shkonte për një provë në një klub profesionist. Mashtrimi përfundoi me mbajtjen e tij peng, ndërsa rrëmbyesit kërkuan shpërblim nga familja për lirimin e tij. Fatkeqësisht, përpjekjet e familjes rezultuan të kota dhe kriminelët e mbajtën premtimin e tyre të tmerrshëm duke vrarë të riun. Autoritetet senegaleze kanë hapur një hetim për rrëmbimin dhe vdekjen e Cheikhut në bashkëpunim me policinë.
Një grup i përbashkët hetimor po punon për të zbardhur rrethanat e sakta të tragjedisë. Trupi i Cheikh Toure është aktualisht në procesin e riatdhesimit drejt Senegalit, raportoi “French Football Weekly”. Në një deklaratë publike, një zëdhënës i Ministrisë shprehu “dhembshurinë më të thellë për familjen e pikëlluar” dhe shtoi se hetimi “po zhvillohet me vëmendjen dhe prioritetin më të madh”.
Autoritetet kanë bërë thirrje të forta për klubet, trajnerët dhe prindërit që të “tregojnë kujdes të shtuar ndaj ofertave të pakonfirmuara për prova apo transferime jashtë vendit”. Një komunikatë shtypi theksonte gjithashtu se sportistët e rinj në Senegal duhet “gjithmonë të kalojnë përmes kanaleve zyrtare dhe të marrin informacion nga autoritetet sportive përpara çdo udhëtimi”.
