Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Sulmoi dhe plagosi pesë persona në Turqi, Prokuroria kërkon 108 vite burg për 18-vjeçarin
E.DPërditësimi i fundit 11 Janar 2025, 18:51
TURQI- Një prokuror në Turqi ka kërkuar dënimin me 108 vjet burg për një 18-vjeçar i cili u përfshi në një sulm me thikë, ku mbetën të plagosur pesë perasona. 18-vjeçari përballet me akuzat "vrasje të mbetur në tentativë" dhe "kanosje për të shkaktuar frikë dhe panik në publik".
Siç raportohet nga mediat e huaja Arda K kishte veshur një jelek antiplumb me simbole naziste, një helmetë të stilit nazist dhe një maskë dhe sulmoi me dhunë njerëzit me thikë dhe sëpatë në provincën perëndimore të Eskişehirit më 12 gusht 2024.
Arda K sulmoi vende të ndryshme në provincë, duke përfshirë një lokal çaji në kopshtin e një xhamie, një park aty pranë dhe një stacion tramvaji, ndërsa transmetoi drejtpërdrejt sulmin nga një kamerë e bashkangjitur në trupin e tij. Gjithashtu ui u arrestua nga policia menjëherë pas ngjarjes.
Mediat e huaja shkruajnë se i riu kishte marrë urdhëruar nga një burrë i panjohur që e ka takuar online. Ai tha në deklaratën e tij se ishte urdhëruar të kryente sulmin nga një i panjohur që takoi në një platformë lojrash, i cili pretendonte se ishte me origjinë nga Evropa Lindore dhe një vit ose dy më i ri se 18-vjeçari.
Në fakt, 18-vjeçari përshkroi se ai dhe "eprori" i tij u lidhën me kalimin e kohës, duke folur për armë, bomba dhe sulme të armatosura dhe se ai ndau me personin një draft të vendndodhjeve të mundshme për sulmin e tij të planifikuar. Pasi diskutoi çështjen me burrin, ai vendosi të kryente sulmin në një xhami në lagjen Tepebaşı në fund, duke vënë në dukje se jelekun e sulmit që bleu në internet e zbukuroi me simbole naziste që përputheshin me ideologjinë e tij politike të nazizmit, të quajtur zyrtarisht Nacional Socializmi.
Në aktakuzë, nga ana tjetër, thuhet se ekipet e krimit kibernetik nuk kanë mundur të identifikojnë personin me të cilin 18-vjeçari pretendon se ka kontaktuar para sulmit, por edhe platformën në të cilën po bisedonin. Duke iu referuar motivimeve të tij, Arda K vuri në dukje se veprimet e tij ishin të motivuara vetëm nga mospëlqimi i tij ndaj njerëzve dhe dëshira për të shkaktuar përçarje, jo nga besimet fetare.
Duke pretenduar se nuk kishte kontakt me ndonjë organizatë terroriste dhe se i vinte keq për sulmin, 18-vjeçari tha se kishte kërkuar ndihmë nga një shërbim psikiatrik spitalor rreth shtatë muaj para incidentit në përpjekje për të kapërcyer depresionin, por kishte ndaluar së marrë mjekimin e tij më pas.
