Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Çoi në një shkollë atë që do t’u merrte jetën tre fëmijëve, taksisti zemërthyer u kërkon falje familjeve: I dëgjoj ende britmat
PiranjatPërditësimi i fundit 25 Shtator 2025, 23:06
Një shofer taksie u kërkoi falje familjeve të tre fëmijëve, pasi autori i vrasjes së tyre u dërgua në vendngjarje nga vetë ai. Krimi i rëndë ndodhi në një shkollë vallëzimi në qytetin britanik të Southport nga Axel Rudakubana.
Alice Aguiar, nëntë vjeç, Bebe King, gjashtë vjeç, dhe Elsie Dot Stancombe, shtatë vjeç, u vranë në orën e mësimit më 29 korrik të vitit të kaluar, ndërsa autori më vonë u dënua me të paktën 52 vjet burg.
Hetimet zbuluan se Rudakubana u mor nga shtëpia e tij nga taksisti Gary Poland. Dyshja nuk folën gjatë udhëtimit, por kur Rudakubana doli nga taksia, iku pa paguar.
Taksisti doli nga automjeti i tij dhe e ndoqi, por pa sukses. Pasi nuk ia doli dot, hipi përsëri në makinë dhe u largua.
Ndërsa përgatitej të largohej, shoferi i taksisë shikoi fëmijët në kamera dhe dëgjoi britmat e tyre.
“Më vjen keq që nuk i ndihmova fëmijët, britmat e tyre ishin therëse dhe ende i dëgjoj kur mendoj për atë ditë. Më vjen keq që nuk bëra më shumë. Nuk kalon asnjë ditë pa menduar për atë ditë dhe për "po sikur".
Po sikur të kisha thirrur policinë? Po sikur të kisha dalë nga makina? Po sikur ta kisha arrestuar sepse nuk më kishte paguar? Por nuk i di përgjigjet”, tha ai cituar nga Sky News.
