Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
Osmani takim me studentë në Kanada: Nga një shtet i shkrumbuar jemi kthyer në shtetin me demokracinë më të fortë në rajon!
n.fPërditësimi i fundit 25 Nëntor 2024, 18:16
Osmani
KANADA- Presidentja e Kosovës, Vjosa Osmani ka mbajtur fjalën e saj para studentëve dhe stafit akademik të fakultetit juridik të Universitetit Dalhousie në Halifax të Kanadasë. Gjatë fjalës së saj Osmani përmendi të arritjet e Kosovës, dhe mirënjohjen e saj ndaj shtetit të Kanadasë për mbështetjen e tyre.
Ajo tha se Kosova nga një vend i djegur deri në hi, u shndërrua në shtetin më demokratik në rajon dhe në një vend që jep siguri te vendet tjera, kur dikur merrte atë.
“Kënaqësia ime më e madhe gjatë vizitave anë e kënd botës është kur flas m studentë, kam qenë profesoreshë juridike më parë, pra është diçka që me të vërtetë më mungon. Është kënaqësi të jem në Kanada, dhe jam falënderuese për mbështetjen që Kanadaja në vazhdimësi i ka dhënë njerëzve të Kosovës”, tha Osmani.
Presidentja shtoi se njerëzit e Kanadasë i qëndruan krah popullit të Kosovës gjatë luftës. Ajo thekosi se në orët më të errëta kur ishim refugjatë rreth 80 për qind e popullit të Kosovës në luftën para 25 vjetëve, ajo që është e rëndësishme, është se kush qëndroi krah tyre.
“Në orët më të errëta kur ishim refugjatë rreth 80 për qind e popullit të Kosovës në luftën para 25 vjetëve, ajo që është e rëndësishme, është se kush qëndroi krah nesh. Njerëzit e Kanadasë ishin ata që i qëndruan pranë popullit të Kosovës, dhe më lejoni t’ju shpreh mirënjohjen e thellë që kemi ndaj jush, që gjithsecili nga ju hapi zemrat dhe dyert për ne”, tha ajo.
Më tej Osmani shtoi se Kosova është vendi me popullsinë më të re në Evropë. Ajo shtoi se Kosova ka breza të rin të edukuar, punëtorë të cilët janë gati të kontribuojnë jo vetëm për Kosovën por edhe jashtë saj.
“Në 25 vjet ne jemi bërë një shtet që dikur merrte siguri, tani po jep atë. Jemi kthyer nga një shtet që ishim të shkrumbuar, në një shtet që ka demokracinë më të fortë në rajonin tonë. Kemi popullsinë më të re në Evropë, një nga asetet tona më të shkëlqyera, kemi gjeneratën e re të edukuar, punëtorë të cilët janë gati të kontribuojnë jo vetëm për Kosovën por edhe jashtë saj”, u shpreh ajo.
