Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Pakënaqësinë brenda partisë/ Deputetët i kërkojnë dorëheqjen kryeministrit kanadez
E.DPërditësimi i fundit 24 Tetor 2024, 21:11
KANADA- Deputetët e Partisë Liberale i kanë kërkuar kryeministrit kanadez Justin Trudeau që të dorëhiqet dhe të mos kërkojë një mandat të katërt, duke i dhënë atij një nga pengesat më të mëdha të karrierës së tij politike. Deputetët liberalë u mblodhën për një takim me dyer të mbyllura të mërkurën, ku i përcollën ankesat e tyre Trudeau, duke reflektuar pakënaqësinë brenda partisë.
Konkretisht 20 përfaqësuesit e Liberalëve në Parlamentin e Kanadasë, nënshkruan letër duke i kërkuiar të mos kandidojë më. liberalët kanë deri në 153 përfaqësues në parlament, ndaj është e vështirë të flitet për shumicë Trudeau erdhi në pushtet në Kanada në nëntor të vitit 2015 dhe ka pasur një mbretërim kryesisht të qëndrueshëm. Megjithatë, në periudhën e fundit ai është nën presion të shtuar për të lënë postin.
Përpjekja zakonisht udhëhiqet nga konservatorët, përkatësisht lideri i tyre, Pierre Poilievre, por tani një kërkesë e ngjashme ka ardhur nga partia e Trudeaus. Megjithatë ende nuk ka zgjidhje për situatën në të cilën ndodhet partia. Sipas sondazheve të fundit, konservatorët kanë 20 për qind më shumë mbështetje se liberalët dhe duhet të fitojnë zgjedhjet e vitit 2025.
Liberalët, nga ana tjetër, duan të shohin sa më shpejt nëse Trudeau planifikon të largohet nga detyra, në mënyrë që të organizohen në kohë për zgjedhjet e vitit të ardhshëm, pra të zgjedhin një lider të ri që të paktën të amortizojë humbjen e pritur. Trudeau megjithatë ka thënë se synon të konkurrojë dhe të fitojë zgjedhjet e ardhshme të 2025.
