Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
BOTA
Pamje të rënda, terapisti godet me këpucë fëmijën e spektrit autik (VIDEO)
PiranjatPërditësimi i fundit 3 Mars 2026, 19:05
Një video që po qarkullon në internet ka shkaktuar reagime të forta në SHBA, pasi tregon një terapist të të folurit në Florida duke abuzuar me një fëmijë në spektrin e autizmit gjatë një seance terapie.
Terapisti dhe psikologu Raylan Garnier u paraqit në gjykatë në Palm Beach, Florida, i akuzuar për abuzim ndaj fëmijës, i cili nuk flet.
Ngjarja ka ndodhur më 23 shkurt në qendrën e terapisë Maximum Achievers, ku i pandehuri punonte. Sipas pamjeve të kamerave të sigurisë, Garnier shihet duke i hedhur fëmijës një top të vogël dhe një këpucë nga një distancë e afërt, e më pas duke e goditur me objekte të ndryshme, përfshirë këpucën. Në video ai shihet gjithashtu duke e goditur fëmijën në fytyrë.
DISGUSTING: Florida therapist seen slapping, grabbing, and forcefully restraining a nonverbal autistic child during a therapy session. pic.twitter.com/RlVOAN5HpC
Policia dhe drejtuesit e qendrës së trajtimit shprehën zhgënjimin për incidentin dhe konfirmuan se punonjësi u pushua menjëherë nga puna sapo ngjarja doli në dritë.
Nëna e fëmijës, Diana Hernandez, raportoi abuzimin dhe tha se ishte e tronditur nga ajo që kishte ndodhur. “Nuk mund ta përshkruaj. Është frika ime më e madhe, ta shoh fëmijën tim të lënduar dhe të mos jem në gjendje ta mbroj”, u shpreh ajo.
Sipas autoriteteve, fëmijët me aftësi të kufizuara janë më të prekshëm ndaj formave të ndryshme të abuzimit, ndaj prindërit dhe kujdestarët janë këshilluar të jenë vigjilentë ndaj çdo ndryshimi në sjelljen e tyre.
Garnier, pu lirua me kusht prej 7,500 dollarësh dhe përballet me akuza për kundërvajtje, ndërsa hetimet vijojnë. /PiranjatNews/
