Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Para përfundimit të mandatit 5-vjeçar, Borrell jep paralajmërimin për luftën në Ukrainë: Jemi në garë me kohën
ZH.LLPërditësimi i fundit 29 Nëntor 2024, 19:02
Borrell
BRUKSEL- Josep Borrell ka dhënë alarmin për luftën e Rusisë në Ukrainë, duke u kërkuar vendeve të BE-së “të bëjnë më shumë” për të mbështetur ukrainasit, në një intervistë përpara largimit nga detyra.
Ndërsa mandati i tij pesë-vjeçar si shef i politikës së jashtme të Bashkimit Evropian përfundon, Josep Borrell ka dhënë një paralajmërim përfundimtar për rrezikun që paraqet ekspansionizmi rus për të gjithë bllokun dhe u bën thirrje, për herë të fundit, vendeve anëtare të forcojnë ushtritë e tyre.
“Ne kemi arritur pikën e thyerjes. Tani është momenti kur vendet anëtare duhet të vendosin: ne shkojmë dhe ne mbështesim”, tha Borrell në një intervistë për dy ditë para përfundimit të mandatit të tij. "Rusët po shtyjnë shumë. Rusët nuk presin negociata. Rusia vazhdon të shtyjë ngadalë por vazhdimisht. Situata në vijën e parë nuk është e mirë por ukrainasit rezistojnë”, tha Borrell.
Bëhet e ditur se komentet e tij vijnë në një kohë kritike të luftës, me trupat ruse duke bërë përfitime të konsiderueshme territoriale dhe duke përshkallëzuar sulmet e tyre në shkallë të gjerë kundër sistemit energjetik të Ukrainës dhe infrastrukturës civile.
Në të njëjtën kohë, rreth 11,000 ushtarë të Koresë së Veriut i janë bashkuar betejës në rajonin e Kurskut.
“Epërsia ruse vazhdon. Ato janë ndihmuar nga Koreja e Veriut shumë më tepër sesa ne kemi mundur t’u ofrojmë ukrainasve. Duhet të kuptoj: a është Rusia e izoluar politikisht? Sigurisht që jo. Sa njerëz shkuan në Kazan?” pyeti ai, duke iu referuar samitit të BRICS në tetor, ku Putin priti njerëz si Xi Jinping i Kinës, Narendra Modi i Indisë, Cyril Ramaphose i Afrikës së Jugut dhe Sekretarin e Përgjithshëm të OKB-së, Antonio Guterres, mes të ftuarve të tjerë. Nuk mund të them sinqerisht se Rusia po izolohet në komunitetin ndërkombëtar”, shtoi shefi i politikës së jashtme të BE-së.
Përfaqësuesi i Lartë, një nga mbështetësit më të vendosur të Kievit në bllok, kaloi një pjesë të madhe të kohës së tij në detyrë duke negociuar me qeveritë mbi sanksionet për të dobësuar Rusinë dhe furnizimet ushtarake për të forcuar Ukrainën.
Përpjekjet e tij kanë siguruar një rrjedhë të vazhdueshme ndihme. Siç raportohet, BE-ja arriti këtë muaj objektivin e saj të shumëpërfolur për t’i ofruar Ukrainës një milion fishekë.
Ndërkohë, një fond prej 6.6 miliardë eurosh në ndihmë kolektive është ende nën veton e fortë të Hungarisë.
“Ne duhet të shpejtojmë dhe të bëjmë më shumë dhe më shpejt. Ne kemi 1 milion fishekë. Mirë, kjo është mirë. Por Rusia po gjuan 800,000 fishekë në muaj. Shifrat kanë rëndësi. Lufta në Ukrainë është një garë kundër kohës. Përdorni atë që keni sot, përdorni mjetet dhe instrumentet që janë shpikur në të kaluarën për t’u përdorur në të tashmen. Ne shpenzojmë shumë kohë duke hartuar strategjitë për pasnesër kur problemi është për sot dhe është i menjëhershëm. Ne nuk kemi ndjenjën e urgjencës”, përfundoi ai./ Euronews
