Pas sulmit me raketa, Netanyahu paralajmëron Houthi-t për hakmarrje të ashpër: Do të paguajnë një çmim të rëndë sa herë që përpiqen të na dëmtojnë

Benjamin Netanyahu

IZRAEL- Kryeministri izraelit Benjamin Netanyahu paralajmëroi sot rebelët Houthi të Jemenit për hakmarrje pasi grupi mori përgjegjësinë për një sulm me raketa në Izraelin qendror.

“Këtë mëngjes, Houthi-t lëshuan një raketë tokë-tokë nga Jemeni në territorin tonë. Ata duhet të dinë (...) se do të paguajnë një çmim të rëndë sa herë që përpiqen të na dëmtojnë”, tha Netanyahu në fillim të një takimi javor të kabinetit, sipas një deklarate.

Situata aktuale në Izraelin verior nuk do të vazhdojë, shtoi ai, duke shprehur synimin e tij për të bërë gjithçka që është e mundur për të kthyer të zhvendosurit nga atje në shtëpitë e tyre. Rebelët Houthi që kontrollojnë Jemenin verior morën përgjegjësinë për lëshimin e një rakete tokë-tokë që arriti për herë të parë në Izraelin qendror sot dhe goditi një zonë të pabanuar, duke mos shkaktuar viktima.

Sulmi i sotëm duket se shënon herën e parë që Houthi-t kanë depërtuar kaq thellë në hapësirën ajrore izraelite me një raketë. Në të njëjtën kohë, zyra e Netanyahut njoftoi sot se kryeministri izraelit do të marrë pjesë në Asamblenë e Përgjithshme të Kombeve të Bashkuara këtë muaj.

benjamin netanyahu