Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Pas Shqipërisë dhe Kroacisë, Kosova marrëveshje sigurie edhe me Letoninë? Rinkevics nga Prishtina: Osmani më dha një propozim, do ta diskutoj me ministrinë e Mbrojtjes
n.fPërditësimi i fundit 20 Mars 2025, 16:55
PRISHTINË- Presidenti i Letonisë, Edgars Rinkevics ndodhet ditën e sotme në Prishtinë ndërsa ka zhvilluar një takim me presidenten e s Kosovës, Vjosa Osmani. Pas takimit dy presidentët e vendeve kanë mbajtur një konferencë për mediat. Rinkevics gjatë fjalës së tij tha se shpreson që këtë vit të hapet kapitulli i ri të dialogut mes Kosovës dhe Serbisë.
Ai tha se ky proces ka pasur ulje dhe ngritje por edhe shpresa të mëdha. Rinkevics shtoi se duhet kuptuar se ky dialog është e vetmja mënyrë për të arritur një lloj zgjidhjeje politike rreth kësaj çështjeje. Sipas tij riangazhimi në këtë proces me siguri do të ishte në interesin më të mirë të të gjithëve.
Presidenti letonez më tej ta bërë me dije se Osmani i ka propozuar arritjen e një marrëveshje mes dy vendeve në fushën e mbrojtjes. Ky propozim i Osmani ka ardhur pak ditë pas nënshkrimit të memorandumit me Shqipërinë dhe Kroacinë për sigurinë. Rinkevics theksoi se do të diskutojë këtë temë kur të kthehet në Letoni. Ai ka deklaruar se do të diskutojnë me ministrinë e Mbrojtjes lidhur me bashkëpunimin e mundshëm mes dy shteteve në fushën e mbrojtjes.
“Presidentja ma dha idenë për këtë marrëveshje, do ta ndajë me kolegët në shtëpi, do të shohim se cfarë lloj marrëveshjesh mund të bëjmë në fushën e mbrojtjes. Sigurisht do të punojmë me Ministrinë e Mbrojtjes. Fatmirësisht kemi edhe njeriun e mbrojtjes këtu dhe ai do të diskutojë këtë me ministrinë e Mbrojtjes kur të kthehemi në Riga”, tha ai.
Memorandumi mes Shqipërisë, Kosovës dhe Koracisë u nënshkrua më datë 18 mars dhe ka për qëllim, promovimi i bashkëpunimit në ngritjen e kapaciteteve të mbrojtjes dhe industrisë së mbrojtjes, rritjen e ndërveprueshmërisë përmes edukimit, trajnimit dhe ushtrimeve, kundërveprimi ndaj kërcënimeve hibride dhe forcimi i qëndrueshmërisë strategjike, ofrimi i mbështetjes së plotë për integrimin Euro-Atlantik dhe atë të mbrojtjes rajonale. Ministri i Mbrojtjes, Pirro Vengu u shpreh se për një kohë të shkurtër kanë arritur të bëjnë shumë gjëra për tre shtetet. Ndërsa ministri i Mbrojtjes së Kosovës, Ejup Maqedonci ka thënë se synimi i këtij bashkëpunimi nuk është rast kërcënimi për askënd, është mesazh për ata që synojnë të kërcënojnë rajonin.
