Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Pastronte paratë e trafikantëve ndërkombëtarë, dënohet me 7 vite Thanas Bako në Holandë
E.DPërditësimi i fundit 6 Shtator 2024, 21:28
HOLANDË- Gjykata holandeze e Roterdamit ka dënuar me 7 vite burg 53-vjeçarin Thanas Bako nga Greqia. Siç raportohet bako akuzohet se ka pastruar mbi 500 milionë euro të grupeve kriminale në Greqi. Bako u arrestua më 31 maj të vitit 2023 në Athinë në Greqi për llogari të drejtësisë holandeze.
Gjithashtu 53-vjeçari u ekstradua në muajin gusht po të vitit të kaluar nga Greqia në Holandë, ku nisi dhe procesi gjyqësor ndaj tij. Mediat e huaja shkruajnë se drejtësia holandeze ndaj Thanas Bako kishte lëshuar një urdhër ndërkombëtar arresti pasi akuzohej për pastrim të parave të ardhur nga trafiku i drogës.
“Një pastrues i njohur parash, që pastronte paratë e pista të kriminelëve më të mëdhenj në botë, është arrestuar më 31 maj në Athinë në Greqi” citoi atëherë deklarata e Europol.
Zbërthimi i aktivitetit kriminal të Bakos u bë nga FBI amerikane e cila kishte kohë që e mbante nën përgjim. Thanas Bako shpesh përdorte rrjetin e kriptuar “Anom” ku informonte anëtarët e tjetrë të abndës për të gjitha veprimet që kryente, pa e ditur se të gjitha mesazhet lexoheshin drejtpërdrejtë nga amerikanët.
Nën emrin e përdoruesit ‘KKY’ ai dërgoi, siç raportuan amerikanët, një rrjet korrierësh në Holandë. Korrierët shpesh duket se punojnë nga ndërtesat e zyrave në pronat industriale në Randstad dhe sjellin ose mbledhin para nga nga kriminelët në të gjithë vendin.
