I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
Pentagoni: Ukraina mund të hedhë raketa amerikane në Rusi, sa herë që sulmohet
e. dPërditësimi i fundit 21 Qershor 2024, 22:56
UKRAINË- Ushtria e Ukrainës lejohet t’i përdorë raketat amerikane me rreze të gjata veprimi për t’i goditur caqet më brenda Rusisë, jo vetëm pranë vijave të frontit afër Harkivit, nëse e bën këtë për t’u vetëmbrojtur, tha Pentagoni të premten.
Fillimisht, presidenti amerikan Joe Biden javë më parë i dha leje Ukrainës të përdorë municione me të cilat e furnizon SHBA-ja për ta mbrojtur qytetin lindor, Harkiv, nga sulmet e pareshtura raketore ruse.
Prej se Rusia e nisi pushtimin e Ukrainës më 2022, Shtetet e Bashkuara kishin mbajtur qëndrim që Kievi të mos i përdorte armët amerikane për t’i goditur caqet brenda Rusisë, për shkak të frikës se kjo do ta përshkallëzonte luftën.
Rusia është duke i goditur caqet ukrainase nga brendësia e kufijve të vet, duke e trajtuar territorin e saj si “zonë të sigurisë”, tha gjeneralmajori Pat Ryder, sekretar për media i Pentagonit.
“Derisa po i shohim ato forca duke kryer operacione të tilla nga territori i tyre, ne kemi shpjeguar se Ukraina mundet dhe ka të drejtë për t’u përgjigjur në mënyrë që ta mbrojë veten”, tha Ryder për gazetarë.
Pentagoni tha se ky nuk është qëndrim i ri në politikën e saj për armët.
“Kjo nuk ka të bëjë me gjeografi. Ka të bëjë me logjikën. Nëse Rusia po e sulmon apo është duke dashur ta sulmojë Ukrainën nga territori i vet, atëherë ka logjikë ta lejojmë Ukrainën të përgjigjet kundër forcave të cilat po e godasin atë nga matanë kufirit”, tha ai.
Një ditë më parë, të enjten, Shtëpia e Bardhë se do ta përshpejtojë furnizimin e Ukrainës me raketa për mbrojtje ajrore duke ia dërguar asaj dërgesat e planifikuara për vendet e tjera aleate.
Vendimi nënkupton se dërgesat e “raketave që dalin nga linja e prodhimit” do të shkojnë në Ukrainë, në vend se të shkojnë në vende të tjera të planifikuara./REL
