Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
BOTA
“Përulësi, ambicie, unitet”/ Fitoi zgjedhjet, Mark Carney mban fjalimin e parë si kryeministër: Kush është gati të mbrojë Kanadanë me mua?
E.DPërditësimi i fundit 29 Prill 2025, 08:00
KANADA- Partia Liberale e udhëhequr nga Mark Carney ka dalë fituese në zgjedhjet federale në Kanada. Carney ka mbajtur fjalimin e tij të parë pas fitores dhe dha një mesazh të fuqishëm uniteti dhe angazhimi për vendin. Gjithashtu Mark Carney iu drejtua qytetarëve me pyetjen: “Kush është gati të mbrojë Kanadanë me mua?”
Deklaratat e tij vijnë në një moment tensionesh të shtuara me Shtetet e Bashkuara lidhur me tarifat dhe çështje të tjera ekonomike. Më tej ai vijoi me një thirrje për ndërtimin e një vendi më të fortë: “Dhe kush është gati ta ndërtojë Kanadanë të fortë?”
Po ashtu ai u pritme brohoritje nga mbështetësit e pranishëm. Gjatë fjalimit, Carney shprehu mirënjohjen e tij ndaj familjes, duke theksuar rolin e gruas dhe fëmijëve në jetën e tij. Ai falënderoi gjithashtu kandidatët e zgjedhur, të cilët do të jenë pjesë e qeverisë së re.
“Më frymëzojnë të shërbej çdo ditë," tha ai, shkruan BBC.
Lideri i sapozgjedhur shpjegoi se vendimi për tu përfshirë në politikë lindi nga bindja se Kanadaja kishte nevojë për ndryshime të mëdha, të udhëhequra nga vlerat thelbësore kanadeze vlera që, sipas tij, i ka mësuar që në fëmijëri, në tryezën e darkës me familjen, në fushat e akullit gjatë ndeshjeve të hokejit, dhe gjatë takimeve me qytetarë në të gjithë vendin. Ai përmendi tri vlera themelore që do të udhëheqin mandatin e tij përulësia, ambicia dhe uniteti.
