Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Plani amerikan për Gazën, reagon Katari: Ka disa pika që duhen diskutuar dhe sqaruar
PiranjatPërditësimi i fundit 30 Shtator 2025, 23:22
Kryeministri i Katarit, Sheikh Mohammed bin Abdulrahman Al Thani, ka deklaruar se disa pika në planin e presidentit amerikan Donald Trump për Gazën “duhen sqaruar dhe dhe negociuar”.
“Plani i propozuar nga Trump arrin një objektiv kyç duke përfunduar luftën, por ka disa pika që duhen diskutuar dhe sqaruar”, deklaroi ai për Al Jazeera në Doha. Kryeministri shtoi se Katari ende nuk ka marrë përgjigjen e Hamasit ndaj planit.
“Ne nuk e dimë ende se si do të përgjigjet Hamas, pasi plani kërkon konsensus me fraksionet palestineze”, tha ai.
Sheikh Mohammed theksoi se ndërmjetësuesit, Katari dhe Egjipti, e kanë bërë të qartë gjatë takimit të së hënës, 29 shtator, me Hamasin se qëllimi kryesor është të ndalet lufta.
“Fokusi kryesor për Katarin tani është të përfundojë vuajtjet e palestinezëve në Gaza”, shtoi ai.
Ai përmendi gjithashtu se çështjet e paraqitura në plan janë vetëm parime që kërkojnë diskutim mbi detajet dhe mënyrën se si të zbatohen. Sipas tij, vendet arabe dhe islame kanë bërë çdo përpjekje për të siguruar që palestinezët të mbeten në tokën e tyre dhe për të arritur zgjidhjen me dy shtete.
Plani i Trump, i prezantuar dje gjatë një konference për shtyp në Shtëpinë e Bardhë me kryeministrin izraelit Benjamin Netanyahu, përfshin 20 pika, duke kërkuar:
-Lirimin e të gjithë pengjeve izraelitë në këmbim të lirimit të dhjetëra të burgosurve palestinezë
-Demilitarizimin e plotë të Hamasit
-Tërheqjen graduale të forcave izraelite
-Formimin e një komiteti teknokratik dhe apolitik palestinez për të qeverisur enklavën
Që nga tetori 2023, janë vrarë mbi 66 mijë palestinezë, shumica gra dhe fëmijë, ndërsa bombardimet e vazhdueshme kanë shkaktuar uri ekstreme dhe përhapje të sëmundjeve.
