Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
BOTA
Po realizonte një sfidë të "Tik Tok"-ut, 14-vjeçares në Selanik i bie të fikët në shkollë, dërgohet me urgjencë në spital
r.llPërditësimi i fundit 22 Janar 2025, 20:01
foto ilustruese
GREQI- Një 14-vjeçare nga Selaniku është dërguar në spital pasi i ka rënë të fikët teksa po kryente një "sfidë" Tik Tok-u me shokët e klasës. Ngjarja ka ndodhur mesditën e sotme, në shkollën e mesme të Sykeonit, ku e mitura është dërguar menjëherë me ambulancë në spital.
Sipas deklaratës së prindit të të miturës, 14-vjeçarja së bashku me shokët e saj të klasës kishin marrë pjesë në një sfidë TikTok. Siç ka raportuar babai i nxënëses për protothema.gr, të miturve iu është dashur të mbanin frymën për një kohë të gjatë, për pasojë 14-vjeçares i ka rënë të fikët dhe është dërguar në spital.
“Po luanin një ‘lojë’ që panë në TikTok, vajzës i ra të fikët dhe shkoi në spital me ambulancë. Shpresoj që t'i shkundin fëmijët dhe të bëhen seriozë sepse këta janë të rrezikshëm. Situata ka dalë jashtë kontrollit, bëjnë atë që shohin në rrjetet sociale”, tha ai.
Sipas informacioneve, ngjarja ka ndodhur gjatë pushimit dhe kur vajza 14-vjeçare ka hyrë në shkollë është ndjerë keq dhe për arsye parandaluese është thirrur një ambulancë e Urgjencës. Më pas shokët e saj të klasës pranuan gjithashtu se po realizonin këtë "sfidë".
