Teksa vala e protestave të studentëve dhe të rinjve ka pushtuar vendin, rezistenca e tyre vijon prej ditësh në rrugët e Tiran&eu...
BOTA
Propozimi i Steve Witkoff për arritjen e armëpushimit në Gaza, Hamasi jep përgjigjen e tij... të paqartë
r.llPërditësimi i fundit 31 Maj 2025, 18:08
foto ilustruese
GAZA- Hamasi ka dhënë përgjigjen e tij ndaj propozimit amerikan për armëpushim të paraqitur më parë këtë javë. Grupi tha në një deklaratë se ishte i përgatitur të lironte 10 pengje izraelite të gjallë dhe trupat e 18 pengjeve të vdekur, që është numri i specifikuar në marrëveshjen e propozuar, në këmbim të një lirimi të dakorduar të të burgosurve palestinezë.
Megjithatë, Shtëpia e Bardhë tha se ka shprehur gjithashtu rezerva në lidhje me draftin, të propozuar nga i dërguari i SHBA-së, Steve Witkoff, pasi mori miratimin nga izraelitët.
Në një përgjigje të detajuar, Hamasi përsëriti kushtet e njohura të lëvizjes: një armëpushim të përhershëm, një tërheqje të plotë të Izraelit nga Gaza dhe garanci për rrjedhën e vazhdueshme të ndihmës humanitare.
Asnjëra prej këtyre nuk është në ofertën që është aktualisht në tryezë, dhe përgjigjja e Hamasit nuk përbënte as një refuzim të qartë dhe as një pranim të qartë të propozimit, shkruan BBC.
Detajet e plota të planit të armëpushimit të propozuar nga SHBA-të nuk janë bërë publike dhe janë të pakonfirmuara, por agjencia e lajmeve Reuters raporton se përfshihen këto pika kryesore:
- Një pauzë 60-ditore në luftime
- Lirimi i 28 pengjeve izraelite - të gjallë dhe të vdekur - në javën e parë, dhe lirimi i 30 të tjerëve sapo të vendoset një armëpushim i përhershëm.
- Lirimi i 1,236 të burgosurve palestinezë dhe mbetjeve mortore të 180 palestinezëve të vdekur
- Dërgimi i ndihmës humanitare në Gaza nëpërmjet Kombeve të Bashkuara dhe agjencive të tjera
