Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Putin fton Zelenskyn në Rusi: Eja në Moskë, do jesh i sigurt!
PiranjatPërditësimi i fundit 5 Shtator 2025, 09:14
Presidenti i Rusisë, Vladimir Putin i ka bërë një thirrje të re Presidentit të Ukrainës, Volodymyr Zelenskyt që të udhëtojë drejt Moskës për të zhvilluar bisedime paqeje, duke premtuar garanci të plota sigurie për udhëheqësin ukrainas.
Gjatë fjalës së tij në forumin ekonomik të mbajtur në Vladivostok, presidenti rus është ndalur sërish te çështja e luftës në Ukrainë.
Sipas medieve ndërkombëtare, ai ka deklaruar se: “Pala ukrainase e dëshiron dhe e ka propozuar këtë takim. Unë kam thënë se jam i gatshëm. Ju lutem, ejani. Ne do të sigurojmë kushtet e nevojshme për punë dhe për siguri.” Putin ka theksuar se kjo është një “garanci 100%”, duke nënvizuar se kërkesa për një vend neutral për zhvillimin e bisedimeve është, sipas tij, e pajustifikuar. “Vendi më i përshtatshëm për një takim është kryeqyteti i Federatës Ruse — Moska,”,-tha ai.
Propozimi në fjalë nuk është i ri, ai është përmendur disa herë nga Putin që prej takimit të tij të fundit me Donald Trump në Alaskë, tre javë më parë. Gjatë atij samiti, presidenti amerikan kishte kërkuar që Putini të angazhohej seriozisht në një proces paqeje me Zelenskyn.
Përkundër deklaratave të tij publike që tregojnë gatishmëri për dialog, Putini vazhdon të ndjekë objektivat ushtarake në Ukrainë, një qëndrim që ka shtuar skepticizmin ndërkombëtar ndaj sinqeritetit të ofertës së tij për paqe.
