Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Putin kërcënon: Raketat ruse "Oreshnik" do të sulmojnë qendra vendimmarrëse në Kiev
r.llPërditësimi i fundit 28 Nëntor 2024, 21:59
vladimir putin
KAZAKISTAN- Presidenti rus Vladimir Putin ka kërcënuar se do të sulmojë qendrat vendimmarrëse në kryeqytetin ukrainas Kiev me raketën e re balistike "Oreshnik".
Putin e dha paralajmërimin gjatë një vizite në Kazakistan, disa orë pasi Rusia nisi një sulm gjithëpërfshirës në rrjetin energjetik të Ukrainës gjatë natës, duke lënë më shumë se një milion njerëz pa energji.
“Ishte një përgjigje ndaj sulmeve të vazhdueshme në territorin tonë nga raketat Atacms”, tha Putin. Ukraina përdori raketat Atacms dhe Storm Shadow për të goditur brenda territorit rus javën e kaluar për herë të parë që nga pushtimi i plotë i shkurtit 2022, pas miratimit nga furnizuesit perëndimorë, SHBA, MB dhe Franca, shkruan BBC.
Putin tha se Rusia kishte lëshuar 90 raketa dhe 100 dronë në përgjigje të sulmeve të Ukrainës me armët e furnizuara nga Britania e Madhe dhe SHBA. Ato përfshinin "Oreshnik", një lloj i ri rakete që fluturon me 10 herë shpejtësinë e zërit dhe sipas tij nuk mund të kapet. Lideri rus tha se Moska nuk do ta lejonte Ukrainën të merrte armë bërthamore dhe nëse do ta bënte ndonjëherë, do të përdorte të gjitha mjetet e shkatërrimit në dispozicion të Rusisë, sipas agjencisë ruse të lajmeve RIA.
