Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
BOTA
Putin nënshkruan traktatin e mbrojtjes reciproke me Korenë e Veriut
n.fPërditësimi i fundit 10 Nëntor 2024, 08:16
Foto ilustruese
RUSI- Presidenti rus, Vladimir Putin ka nënshkruar në ligj partneritetin strategjik të vendit të tij me Korenë e Veriut, i cili përfshin një dispozitë të mbrojtjes reciproke, sipas një dekreti të publikuar. Marrëveshja, e nënshkruar nga Putin dhe udhëheqësi i Koresë së Veriut, Kim Jong Un në qershor pas një samiti në Phenian, u bën thirrje të dy vendeve që të nxitojnë në ndihmë të njëri-tjetrit në rast të një sulmi të armatosur.
Dhoma e lartë e parlamentit rus ratifikoi traktatin këtë javë, ndërsa dhoma e ulët e miratoi atë muajin e kaluar. Putin nënshkroi një dekret për atë ratifikim, i cili u shfaq dje në një faqe interneti të qeverisë për nismat legjislative.
Traktati konfirmon lidhje më të ngushta midis Moskës dhe Phenianit që kur Rusia nisi pushtimin e saj në Ukrainë në shkurt të vitit 2022. Sipas raporteve nga Koreja e Jugut dhe vendet perëndimore, Koreja e Veriut ka furnizuar me armë Rusisë. Ekspertët ukrainas thonë se kanë gjetur gjurmë të këtyre armëve në objektivat e sulmeve ruse.
Presidenti ukrainas, Volodymyr Zelenskyy tha të enjten se Koreja e Veriut ka dërguar 11,000 trupa në Rusi dhe disa prej tyre janë vrarë në luftimet me forcat e Kievit në rajonin jugor të Rusisë, Kursk. Rusia nuk e ka konfirmuar praninë e trupave të Koresë së Veriut.
