Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
"Putini kërkoi falje, kushti parë u plotësua"/ Presidenti i Azerbajxhanit: Tani presim që të marrë përgjegjësinë për rrëzimin e avionit në Kazakistan
e. dPërditësimi i fundit 29 Dhjetor 2024, 15:32
AZERBAJXHAN- Presidenti i Azerbajxhanit Ilham Aliyev ka akuzuar Moskën se po përpiqet të mbulojë faktin se avioni i Azerbajxhanit që u rrëzua në Kazakistan më 25 dhjetor, duke vrarë 38 persona në bord, u qëllua nga territori rus dhe kërkoi falje publike nga kompania ajrore e Rusisë. Aliyev tha sot në televizionin shtetëror të Azerbajxhanit se avioni azerbajxhanas u godit nga jashtë mbi territorin rus dhe bishti i avionit u godit rëndë nga të shtënat që vinin nga toka.
Ai gjithashtu pretendoi se avioni ishte bërë i pakontrollueshëm nga mjetet ushtarake të bllokimit elektronik. Ilham Aliyev tha se versionet e ndryshme të ngjarjeve të paraqitura nga Rusia pas rrëzimit tregon qartë se pala ruse u përpoq të manipulonte çështjen. Gjithashtu ai tha se Rusia duhet të kërkojë falje, të pranojë përgjegjësinë, të ndëshkojë autorët dhe të paguajë dëmshpërblime për Azerbajxhanin dhe viktimat e aksidentit.
“Të pranosh fajin, të kërkosh falje në kohë dhe përderisa kjo është e dobishme për Azerbajxhanin, i cili konsiderohet një vend mik, dhe të informosh publikun për këtë çështje, këto janë ato që duhet të ishin bërë. Për fat të keq në tre ditët e para nuk dëgjuam asgjë veç teorive absurde nga Rusia. Kushti i parë u plotësua dje (me shprehjen e faljes së Vladimir Putinit). Shpresoj që të plotësohen edhe kushtet e tjera. Pas ekzaminimit të kutive të zeza dhe mbledhjes së informacionit më të detajuar, do të bëhet publik një raport gjithëpërfshirës i asaj që ka ndodhur," tha presidenti azerbajxhanas, një ditë më pas telefonata me homologun e tij rus, i cili kërkoi falje, por nuk mori përgjegjësi.
Presidenti rus i kërkoi falje Aliyevit për incidentin tragjik në hapësirën ajrore ruse. Vladimir Putin kërkoi falje për incidentin tragjik që ndodhi në hapësirën ajrore ruse dhe shprehu edhe një herë ngushëllimet e tij të thella dhe të sinqerta për familjet e viktimave dhe u uroi të plagosurve shërim të shpejtë.
“Gjatë bisedës u konstatua se avioni i pasagjerëve azerbajxhanas, duke fluturuar sipas planit, ka tentuar vazhdimisht të ulej në aeroportin e Groznit. Në atë kohë, Grozny, Mozdok dhe Vladikavkaz ishin nën sulm nga dronët ukrainas dhe sistemet ruse të mbrojtjes ajrore i zmbrapsën këto sulme”, thuhet në deklaratë.
Autoritetet ruse përmendën një sulm me dron ukrainas në rajonin e Groznit, por nuk shpjeguan pse avioni nuk u lejua të ulej në një aeroport rus në rajon, por u detyrua të kalonte të gjithë Detin Kaspik.
