Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
"Qëllimi, të mbështesim familjet"/ Nga prilli punonjësit e bashkisë së Tokios do të punojnë 4 herë në javë, reduktohen dy orë në ditë për prindërit me fëmijë të vegjël
n.fPërditësimi i fundit 4 Dhjetor 2024, 13:57
Foto ilustruese
JAPONI- Guvernatori i Tokios, Yuriko Koike dëshiron të miratojë punë katër-ditore për punonjësit e bashkisë në kryeqytetin japonez, si pjesë e një nisme kombëtare për të forcuar familjet. Sipas Koike bërja e shoqërisë më të larmishme dhe të begatë është çelësi për një të ardhme të ndritur.
“Vonesat në fuqizimin e grave është një problem i hershëm në Japoni, dhe bërja e shoqërisë sonë më të larmishme dhe të begatë është çelësi për një të ardhme të ndritur”, tha Koike në një fjalim në këshillin e qytetit
Ai shtoi se do të fillojnë duke mbështetur plotësisht balancën punë-jetë duke miratuar një sistem më fleksibël të kohës së punës, si tre ditë pushim në javë. Sachi Ikegami, kreu i menaxhimit të burimeve njerëzore të qytetit tha se duke filluar nga prilli, punonjësit e bashkisë së Tokios do të jenë në gjendje të pushojnë deri në tre ditë në javë, por ata do të duhet të kryejnë 155 orë punë në muaj.
Përveç kësaj, ata punonjës që kanë fëmijë të vegjël do të mund të kenë dy orë të reduktuara orët ditore. Java e punës katërditore është e rrallë në Japoni, por gradualisht po zbatohet nga autoritetet lokale, të cilët po përpiqen të ofrojnë më shumë mbështetje për prindërit.
Kryeministri japonez, Shigeru Ishiba e quajti normën e lindjeve të vendit një "urgjencë të heshtur" dhe u zotua të miratojë politika mbështetëse për familjen, siç janë orari fleksibël i punës. Pikëpamja se nënat që punojnë janë njëkohësisht dhe vetëm përgjegjëse për punët e shtëpisë dhe rritjen e fëmijëve mendohet të jetë një nga faktorët kryesorë që qëndron pas lindshmërisë së ulët në Japoni.
Japonia, si shumë vende të zhvilluara, po përballet me një krizë demografike, me një popullsi në plakje dhe një lindje shumë të ulët. Sipas Bankës Botërore, popullsia e Japonisë është e dyta më e vjetra në botë, pas asaj të Monakos. Vitin e kaluar lindshmëria ishte 1.2, shumë më poshtë se 2.1 fëmijë për grua që nevojiteshin për të mbajtur popullsinë në një nivel të qëndrueshëm.
