Qeveria u rrëzua pas mocionit të mosbesimit, Macron: Kryeministri i ri në ditët në vijim

FRANCA- Presidenti francez Emmanuel Macron iu drejtua kombit mbrëmjen e sotme pas rrëzimit të qeverisë franceze me votimin e një mocioni mosbesimi. Macron thotë se do të emërojë kryeministrin e ardhshëm francez në ditët në vijim. Ai gjithashtu zotohet të mbetet president deri në fund të mandatit të tij.

Ai falenderoi kryeministrin Michel Barnier për punën e bërë. Po ashtu Macron tha se njerëz janë të tunduar të fajësojnë atë për këtë situatë. Sipas tij, ata mendojnë vetëm për një gjë: zgjedhjet presidenciale.

“Dua të falënderoj Michel Barnier këtu për punën që ka bërë për vendin tonë, për përkushtimin dhe ashpërsinë e tij duke pasur parasysh se qeveria e tij e ka treguar veten në kulmin e momentit. 

Është përgjegjësia ime! Situata në fund të zgjedhjeve legjislative kërkon një organizim të ri politik. Shpreh keqardhje që Michel Barnier ishte u rrëzua pavarësisht nga lëshimet e bëra nga qeveria e tij. 

E di që disa njerëz janë të tunduar të më fajësojnë mua për këtë situatë. Është shumë më komode. Ata mendojnë vetëm për një gjë: zgjedhjet presidenciale.

Përgjegjësia ime kërkon sigurimin e vazhdimësisë së shtetit, funksionimin e duhur të institucioneve tona, pavarësinë e vendit tonë dhe mbrojtjen e të gjithëve.

Unë do ta ngarkoj atë për formimin e një qeverie me interes të përgjithshëm që përfaqëson të gjitha forcat politike të një harku qeveritar që mund të marrë pjesë në të ose, së paku, që merr përsipër të mos censurojë atë", tha Macron ndër të tjera.

franca