Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
BOTA
Rihapet aeroporti Heathrow në Londër/ Nisin hetimet për zjarrin në nënstacionin elektrik
E.DPërditësimi i fundit 22 Mars 2025, 16:46
LONDËR- Aeroporti Heathrow i Londrës është rikthyer në funksionim të plotë sot, një ditë pasi një zjarr në një nënstacion të energjisë aty pranë ndërpreu energjinë në objektet e tij dhe rezultoi në mbylljen e qendrës më të madhe ajrore të Evropës dhe kaos në transportin ajror ndërkombëtar
Disa fluturime u zhvilluan mbrëmë, por pezullimi i operacioneve për pjesën më të madhe të ditës në aeroportin që shërben në vendin e pestë më të madh të pasagjerëve në botë, rezultoi që mijëra pasagjerë të përballeshin me probleme ku shumë prej tyre kërkonin dhoma hoteli apo vende në fluturime të tjera. Një zëdhënës i Heathrow tha se stafi i aeroportit po përpiqej të ofronte ndihmë për pasagjerët e prekur nga pezullimi.
“Ne kishim qindra kolegë të tjerë në dispozicion në terminalet tona dhe shtuam fluturimet në orarin e sotëm për të lehtësuar 10,000 pasagjerë shtesë që udhëtonin nëpër aeroport,” shpjegoi zëdhënësi.
Aeroporti ka shtuar terminalet duke shtuar fluturimet për 10 mijë pasagjerë shtesë. Heathrow është aeroporti më i madh i Evropës, me më shumë se 83.9 mln pasagjerë që udhëtojnë nëpër terminalet e tij.
Aeroporti ishte planifikuar të kryente 1,351 fluturime dje, me 291,000 pasagjerë, por avionët u devijuan në aeroporte të tjera në Britani dhe Evropë, ndërsa shumë fluturime të largëta u kthyen në pikën e tyre të nisjes. Ekspertët e aviacionit vunë në dukje se hera e fundit që aeroportet evropiane u përballën me probleme në një shkallë kaq të madhe ishte në vitin 2010, kur hiri vullkanik nga Islanda ndaloi rreth 100,000 fluturime.
Ata paralajmëruan gjithashtu se disa pasagjerë të detyruar të zbarkojnë në Evropë mund të detyrohen të qëndrojnë në zonat tranzit pasi nuk kanë dokumentet e nevojshme për t'u larguar nga aeroporti. Policia njoftoi, pas një vlerësimi fillestar, se autoritetet nuk po e trajtojnë si të dyshimtë ngjarjen në nënstacionin elektrik, megjithëse hetimet po vazhdojnë.
