Ditën e premte vendi ynë do të jetë në ndikim të masave ajrore relativisht të paqëndrueshme.
Moti parashikohet të...
BOTA
Rombi i bardhë në sfond blu, ja sinjali i ri nëpër rrugë. Çfarë nënkupton ai dhe gjobat e majme
PiranjatPërditësimi i fundit 12 Mars 2026, 20:29
Një romb i bardhë mbi një sfond blu. Shpesh i shoqëruar me orare të caktuara ose me numra si 2+ / 3+. Ky është sinjali i ri rrugor që ka mbërritur në Francë drejtpërdrejt nga Amerika e Veriut dhe që po shfaqet gjithnjë e më shumë në rrugët kryesore të gjithë Evropës, duke vënë në vështirësi shoferët e Kontinentit të Vjetër dhe edhe portofolin e tyre. Ja për çfarë bëhet fjalë.
Çfarë kuptimi ka?
Historikisht i pranishëm në rrugët e Shteteve të Bashkuara dhe Kanadasë, rombi i bardhë në sfond blu tregon korsitë HOV (High Occupancy Vehicle, pra automjete me shumë pasagjerë). Ky sinjal ka bërë paraqitjet e para në rrugët franceze, fillimisht në mënyrë eksperimentale dhe më pas në mënyrë të përhershme, duke u përgatitur për një përhapje të shpejtë në rrugët kryesore të gjithë Evropës. Aktualisht prania e tij është raportuar edhe në Gjermani dhe në Spanjë. Bëhet fjalë për një sinjal rrugor që tregon një kufizim për korsitë e shënuara posaçërisht, zakonisht të vendosura në anën e majtë të rrugës. Për shkelësit parashikohen gjoba të konsiderueshme: 135 euro në Francë për ata që nuk e respektojnë dhe 200 euro në Spanjë.
Por çfarë nënkuptohet me automjet me ngarkesë të lartë
Automjetet me ngarkesë të lartë janë mjete ku ndodhen të paktën dy persona në bord (shoferi dhe të paktën një pasagjer). Në këtë kategori përfshihen gjithashtu transporti publik dhe taksitë, mjetet për personat me lëvizshmëri të kufizuar, si edhe automjetet elektrike ose me emetime shumë të ulëta.
Shpesh këto automjete identifikohen përmes një stikeri mjedisor, si për shembull Crit'Air në Francë.
Ky është një certifikatë për cilësinë e ajrit, e printuar në një ngjitëse që është e detyrueshme për të qarkulluar në shumë zona me trafik të kufizuar dhe në zonat e mbrojtjes së ajrit në Francë. Ky certifikim është i vlefshëm edhe për automjetet e huaja.
Me këtë sinjal, ndonjëherë shoqërohen edhe shenja të tjera rrugore që sqarojnë më mirë funksionin e tij: për shembull, tregimi i orareve gjatë të cilave kufizimi është në fuqi, ose numri minimal i pasagjerëve (2+/3+) që duhet të jenë në automjet për të përdorur atë korsi.
Sinjali i ri mund të vendoset në mënyrë të përhershme në anë të rrugës, të pikturohet direkt në karrexhatë, ose të shfaqet në një panel elektronik kur përdorimi i tij është i përkohshëm. Në këtë rast të fundit, korsia e veçantë është e rezervuar vetëm kur paneli është i ndezur.
Duke qenë se bëhet fjalë për kufizime në qarkullim, mjetet e emergjencës dhe forcat e rendit janë të përjashtuara nga këto rregulla. Gjithashtu, sisteme automatike monitorimi të vendosura në këto korsi janë në gjendje të identifikojnë drejtuesit e mjeteve që shkelin rregullat. /PiranjatNews/
