Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Rusia bombardon me raketa Kievin, dëmtohet godina e Këshillit të Ministrave! Kryeministrja: Bota duhet t'i përgjigjet këtij shkatërrimi
PiranjatPërditësimi i fundit 7 Shtator 2025, 08:18
Katet e sipërme të një ndërtese qeveritare ukrainase u dëmtuan gjithashtu nga sulmet ruse. Kryeministrja ukrainase, Yulia Svyrydenko, teksa ndau foto të ndërtesës së dëmtuar, kërkoi reagim ndërkombëtar."Mbrëmë, Rusia kreu një tjetër sulm masiv ndaj Ukrainës. Kievi, Krivyi Rih, Dnipro, Kremenchuk dhe Odesa u sulmuan.
Për herë të parë, një ndërtesë qeveritare, çatia e saj dhe katet e sipërme u dëmtuan nga një sulm armik. Ekipet e shpëtimit po shuajnë flakët. I falënderoj për punën e tyre.”, u shpreh ajo.Kërkoi edhe sanksione ndaj naftës dhe gazit rus, ndërsa përmendi nevojën për më shumë armë.
"Ndërtesat do të restaurohen, por jetët e humbura nuk mund të rikthehen. Armiku terrorizon dhe vret njerëzit tanë në të gjithë vendin çdo ditë. Bota duhet t'i përgjigjet këtij shkatërrimi jo vetëm me fjalë, por me vepra. Sanksionet duhet të forcohen, veçanërisht kundër naftës dhe gazit rus. Nevojiten kufizime të reja ndaj makinës ushtarake të Kremlinit.
Dhe mbi të gjitha, Ukraina ka nevojë për armë. Kjo do ta ndalojë terrorin dhe do ta parandalojë Rusinë nga përpjekjet për të vrarë ukrainas çdo ditë", theksoi Svyrydenko. Në shënjestër të sulmeve ishte edhe një ndërtesë administrative në lagjen Pechersk, ku ndodhen ndërtesa qeveritare, përfshirë Këshillin e Ministrave.
Në Odessa, dronët goditën infrastrukturën civile dhe ndërtesat e banimit, deklaroi guvernatori rajonal Oleh Kiper, duke shkaktuar disa zjarre. Në Kryvyi Rih, raketat dhe dronët goditën tre vende në qytet, duke dëmtuar infrastrukturën e transportit dhe urbane, tha Oleksandr Vilkul, kryetar i Këshillit të Mbrojtjes së qytetit.
