Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
BOTA
Samiti në Kotorr, Kurti: BE të kontrollojë progresin e reformave në Ballkan! I pakënaqur që Bosnjë- Hercegovina nuk ka ratifikuar ende marrëveshjen për lëvizjen e lirë
n.fPërditësimi i fundit 16 Maj 2024, 10:22
Kurti
KOTORR- Kryeministri i Kosovës, Albin Kurti ka marrë pjesë ditën e sotmë në samitin e zhvilluar në Kotor të Malit të Zi. Gjatë fjalës së tij Kurti ka treguar lidhjen e tij me këtë vend, ndërsa nuk është kursyer të japë kritika për Bosnjë-Hercegovinën sa i përket lëvizjes së lirë.
Kryministri i Kosovës u shpreh se 41 vite më para xhaxhai i tij ishte i burgosur politik për dy muaj në Kotorr. Kurti gjithadhtu shtoi se 25 vjet më parë u bë i burgosur politik dhe më vonë i burgosur i luftës. Ndërkohë Kurti nga një i burgusr politik u shpreh se ktheht në Kotorr si kryeministër i Kosovës.
Në lidhje me takimi Kurit tha se është një shans i mirë për vendet e rajonit që të mblidhen dhe të diskutojnë sesi mund të integrohen me tej duke kryer reforma. Ai shtoi se aktualisht janë të pakënaqur nga fakti se Bosnjë- Hercegovina nuk ka ratifikuar ende marrëveshjen për lëvizjen e lirë.
“41 vjet më parë në Kotorr ishte xhaxhai im i burgosur politikisht për 3 muaj. Ai vjen nga Ulqini në një fshat në kufi me Shqipërinë. 25 vjet më parë unë u bëra i burgosur politik dhe më vonë i burgosur i luftës. Ishte koha kur regjimi i Millosheviçit po ushtronte gjenocid ndaj shqiptarëve të Kosovës dhe në Mal të Zi ne patëm një mik sepse refugjatët shqiptarë që i shpëtuan masakrës, projektit serb për shfarosjen e tyre, gjetën strehë në Mal të Zi ku hasën mikpritjen banorëve vendas.
Tani po kthehem në Kotor, si kryeministër i Kosovës dhe në të njëjtën kohë jam shumë i lumtur që xhaxhai im sot është i lirë dhe mirë me shëndet. Takimi i tretë për Ballkanin është një shans i mirë për vendet e rajonit që të mblidhen dhe të diskutojnë sesi mund të integrohen me tej duke kryer reforma por dhe duke parë sesi mund të bëjnë më shumë dhe më mirë duke përfituar nga plani i rritjes dhe aksesin tonë në tregun e brendshëm të BE.
Mezi presim të kemi një bashkëpunim më të mirë që të pasqyrojë në mënyrë defacto dhe dejuro njohjen reciproke mes të gjitha vendeve të Ballkanit. Aktualisht jemi të pakënaqur nga fakti se Bosnje Hercegovina nuk ka ratifikuar ende marrëveshjen për lëvizjen e lirë,” tha Kurti.
Gjatë fjalës së tij Kurti u ndal për ti bërë thirrje BE-së që të kontrollojë progresin e reformave demokratike në vendet e Ballkanit.
"Kosova e përkushtuar për vlerat demokratike, vullneti i saj pasqyron atë të qytetarëve dhe teksa jemi mbledhur këtu për te diskutuar rrugën tonë drejt Evropës, progresi i Kosovës duhet të njihet. Kjo është strategjia me efikase për të forcuar lidershipin në Ballkanin Perëndimor. Nëse BE mbështet vendet që promovojnë pluralizmin politik dhe sundimin e ligjit, atëhere do të jenë vetë qytetarët që do të udhëheqin ndryshimin.
Nëse do të kem një mesazh që do ti përcillja BE është të kontrollojë progresin e reformave demokratike në vendet e Ballkanit. Me lejoni t’ju adresohem për progresin që kemi bërë. Për Kosovën plani i rritjes përfaqëson një mundësi të re për t’u bashkuar me tregun e përbashkët. Përmbushja e reformave është thuajse e përfunduar. Ne kemi vepruar në përputhje me veprimet e BE-së", tha ai.
