Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
BOTA
Sekretari amerikan i Shtetit shfaqet në media me kryq në ballë, ja si shpjegohet situata "e pazakontë"
M.B.Përditësimi i fundit 6 Mars 2025, 14:49
SHBA- Sekretari amerikan i Shtetit Marco Rubio u shfaq dje në media me shenjën e kryqit në ballë. Në artikuj të ndryshëm shkruhet se edhe pse fillimisht paraqitja e tij u duk e çuditshme, tani ajo ka një shpjegim. Tradita e krishterë dikton që “të mërkurën e hirit”, një prift spërkat me hi kokat e besimtarëve ose të bën kryqin mbi ballin e tyre me hi.
Në traditën e krishterë, spërkatja e hirit nënkupton pendimin dhe gatishmërinë për një jetë të re. Prindërit e Marco Rubios emigruan nga Kuba në Shtetet e Bashkuara në vitin 1956, dy vite para se Fidel Castro të vinte në pushtet. Ata u bashkuan me Kishën Mormone ndërkohë, mediat katolike në SHBA raportojnë se ata më vonë u larguan nga Kisha Mormone me nxitjen e djalit të tyre dhe përafuan katolicizmin. Rubio vetë u martua në Kishën Katolike, por më vonë u bë anëtar i një kishe ungjillore me gruan e tij.
Gjatë daljes së tij publike të shumëpërfolur, Rubio përsëriti se administrata Trump dëshiron t’i japë fund luftës në Ukrainë. Ai tha se Shtëpia e Bardhë do të vazhdojë të zhvillojë diplomaci me Rusinë dhe Ukrainën për të mësuar kërkesat e tyre dhe me shpresë për të kapërcyer hendekun midis dy vendeve për t’i dhënë fund luftës.
“Ne jemi me fat dhe të privilegjuar që kemi një president që dëshiron, nëse është e mundur, t’i japë fund një konflikti që ka kushtuar miliarda dollarë dhe qindra mijëra jetë”, tha Rubio.
