Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
BOTA
Skandal në Harvard, ish-drejtori i morgut shiste organet e njerëzve
PiranjatPërditësimi i fundit 15 Qershor 2023, 14:00
Autoritetet në SHBA “goditën” një rrjet trafikimi për organet njerëzore që ka shkaktuar reagime të forta në vend, pasi është i përfshirë ish-drejtori i morgut të Shkollës Mjekësore të Universitetit të Havardit.
Deri më tani janë arrestuar shtatë persona në lidhje me rastin tronditës, ish-drejtori i morgut dhe bashkëpunëtorja e tij, Katrina McLean, u akuzuan dje.
Cedric Lodge, 55 vjeç, i cili punoi në Harvard nga viti 1995 deri sa u pushua nga puna majin e kaluar, akuzohet se ka vjedhur organe njerëzore nga morgu i shkollës mjekësore nga 2018-2022 dhe i ka shitur ato në internet me ndihmën e gruas së tij 63-vjeçare, Denise.
“Bashkëpunëtorët” e tij përfshinin 44-vjeçaren Katrina McLean, 46-vjeçarin Joshua Taylor dhe 52-vjeçarin Matthew Lambie, të cilët blenë organet dhe më pas ua shitën njerëzve të tjerë.
“Cedric Lodge përdorte aksesin e tij në morg për të lejuar Katrina McLean, Joshua Taylor dhe të tjerët të hynin në të dhe të zgjidhnin organet dhe mbetjet që i interesonin,” thuhet në aktakuzë, sipas New York Post.
Një nga klientët e Lambie, 40-vjeçari Jeremy Polly, ishte veçanërisht aktiv në blerjen dhe shitjen e organeve. Polly, një “i njohur” për autoritetet, është pronar i The Grand Wunderkammer, një dyqan që shet “objekte të çuditshme dhe të pazakonta” për njerëzit dhe muzetë. Ai është gjithashtu drejtor i një muzeu të quajtur Memento Mori, sipas faqes së tij në Facebook.
Burri me pamjen e çuditshme dhe me pirse të shumta kishte marrëveshje jo vetëm me Lambin, por edhe me një tjetër bashkëpunëtore të Lodge, Katrina McLean nga Salem, Massachusetts, pronare e biznesit Kat’s Creepy Creations.
Në tetor 2020, McLean shiti dy fytyra që ishin hequr nga kufomat për 600 dollarë dhe gjithashtu një copë lëkure njeriu, të cilën ai mori përsipër ta përpunonte dhe t’ia dërgonte përsëri biznesmenes.
Përveç kësaj, Polly kishte bërë mbi 25 transaksione për bashkëpunëtorin e drejtorit të morgut, Joshua Taylor, duke depozituar shuma që arrijnë në total më shumë se 40,000 dollarë në llogaritë e tij.
Jeremy Polley u arrestua verën e kaluar për përdhosje të një trupi të pajetë dhe për vjedhjen e pasuris, pas një ankese anonime që fliste për aktivitet të dyshimtë të 44-vjeçarit në lidhje me koleksionet e tij. Ankuesi u tha autoriteteve se kishte gjetur kova të mëdha me organe njerëzore në bodrumin e Polit. Autoritetet më vonë zbuluan trurin e njeriut, mëlçinë, mushkëritë dhe copa lëkure.
Vlen të përmendet se arrestimi i Polley qershorin e kaluar përfundimisht i çoi hetuesit te një person tjetër, 36-vjeçarja Kandace Chapman Scott, e cila akuzohet për vjedhjen e kufomave të destinuara për djegje nga një morg në Arkansas dhe shitjen e tyre te një tregtar në Pensilvani.
“Vjedhja dhe trafikimi i mbetjeve njerëzore godet thelbin e asaj që na bën ne qenie njerëzore,” vendosi prokurori federal Karam, duke denoncuar aktet “të neveritshme” dhe “të tmerrshme” të grupit dhe duke premtuar drejtësi për “viktimat” dhe të afërmit e tyre.
Në një deklaratë për për publikun, të titulluar “Një tradhti e neveritshme”, dekanët e Shkollës Mjekësore të Harvardit, George Daly dhe Edward Huttert thanë se “ishin të tmerruar kur mësuan se diçka kaq shqetësuese ndodhi në universitetin që i është dedikuar kujdesit dhe shërbimit për njerëzit”.
