Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Snajpera, gardhe dhe dronë/ Masa të rrepta sigurie për zgjedhjet presidenciale në SHBA
n.fPërditësimi i fundit 5 Nëntor 2024, 10:18
Foto ilustruese
SHBA- Masa drastike janë marrë nga forcat e Sigurisë në SHBA, ndërkohë që po vijon procesi zgjedhor për zgjedhjen e presidentit të ardhshëm. Snajpera, gardhe metalike të sigurisë, drone janë "rekrutuar" në rast se shpërthejnë trazira që mund të rrezikojnë rezultatin demokratik të procesit.
Në veçanti, rreth ndërtesës në Las Vegas ku numërohen votat e Nevadës janë vendosur gardhe metalike të sigurisë. Arizona është në gatishmëri të lartë për trazira të mundshme, me sherifin e shtetit duke vendosur drone dhe snajperë. Guvernatorët e të paktën tre shteteve në SHBA kanë kërkuar ndihmën e Gardës Kombëtare për të ruajtur rendin, shkruan CNN.
Masat e shtuara të sigurisë nxiten nga shqetësimet e autoriteteve për mundësinë e incidenteve të dhunshme. Masat më të dukshme janë marrë në shtetet në lëvizje që do të vendosin fituesin e zgjedhjeve presidenciale, si Nevada ku shpërthyen protestat pas zgjedhjeve të 2020.
Katër vjet më vonë, gardhe metalike të sigurisë kanë rrethuar vendin e protestave, qendrën e numërimit të votave në Las Vegas. Guvernatori i Nevadës, Joe Lombardo tha se ai kishte aktivizuar një "njësi të kufizuar" prej 60 anëtarësh të Gardës Kombëtare për t'u siguruar që ata mund t'i përgjigjeshin menjëherë çdo sfide sigurie.
Në Arizona, një gardh i ngjashëm metalik është instaluar në qendrën e votimit të Maricopa County në qendër të Phoenix, fokusi në vitin 2020 i teorive konspirative rreth mashtrimit të votuesve dhe kërcënimeve kundër zyrtarëve të zgjedhur. Sherifi Russ Skinner tha se agjencia e tij është vënë në "gadishmëri të lartë" për kërcënime dhe dhunë dhe ka kërkuar që i gjithë personeli të jetë i disponueshëm.
Peter Simi, një profesor i sociologjisë në Universitetin Tupman në Kaliforni, i cili ka hulumtuar kërcënimet kundër zyrtarëve publikë, tha se skenari më i keq do të ishte nëse republikani humbet dhe nuk e pranon humbjen.
Simi shtoi se nuk pret që të përsëriten incidente si sulmi i vitit 2021 në Kapitol nga mbështetësit e Trump. Trazirat e këtij viti, sipas tij, do të kenë më shumë gjasa të jenë “ngjarje të shpërndara, të pakoncentruara në zona të ndryshme” që do të jenë më të vështira për t'u përballur nga forcat e rendit.
Masat e sigurisë janë marrë nga autoritetet edhe në shtete të tjera, jo vetëm në amfirope, për shembull në Oregon dhe Uashington guvernatorët kanë aktivizuar gardën kombëtare. Përveç kësaj, në kryeqytetin Uashington dhe gjetkë, disa vitrina janë mbuluar me kompensatë.
