Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
BOTA
Sondazhi: E djathta e Le Pen pritet të fitojë parlamentin me zgjedhjet e reja në Francë
E.DPërditësimi i fundit 13 Qershor 2024, 18:51
FRANCË- Grupi i të djathtës franceze Mitingu Kombëtar i drejtuar nga Marine Le Pen, do të marrë për herë të parë kontrollin në parlament me 31% të votave, teksa Rilindja e presidentit Emmanuel Macron do të renditet e treta me 18%, më pak se një aleancë e partive të majta që do të fitojë rreth 28% të votës, parashikonte sot një sondazh i publikuar nga mediat në vend. Sondazhi i agjencisë Elabe për rrjetin vendas BFMTV dhe të përditshmen ‘La Tribune Dimanche’ u publikua sot pasi mori mendimin online të 1,502 të rriturve dje dhe sot.
Më herët Macron kishte deklaruar se nuk do të dorëhiqet nëse partia e tij humbet në zgjedhjet e thirrura parakohe në fund të këtij muaji. Rrjeti Newsmax tha se sondazhi tregonte më tej 39% e të anketuarve preferonin liderin e ri politik të zgjedhur nga Le Pen, Jordan Bardella, për tu bërë kryeministër, përkundër kryeministrit aktual Gabriel Attal i cili mori 36% të mbështetjes.
Le Pen konsiderohej më parë si favorite për zgjedhjet e rregullta të 2027 teksa Macron, i cili kufizohet në dy mandate në post, nuk do të kërkojë rizgjedhjen. Më tej shumica e pjesëmarrësve, 72%, besonin se Macron, i cili ishte presidenti parë i zgjedhur me rregullin e ri në 2017, është një pengesë për partinë e tij.
Të dielën presidenti shpërndau parlamentin dhe thirri zgjedhje të reja pas humbjes në votën e parlamentit evropian. Vota për dhomën e ulët të parlamentit do të kryhet më 30 qershor. Nje tjeter raund votimi do te kryhet me 7 korrik Nëse partia e Le Pen fiton shumicën në parlament, Macron do të mbetet me shumë pak pushtet në tre vitet i kanë mbetur në zyrë. Partia e Macron ka 169 nga 577 deputetët e Dhomës ë Ulët në Francë, ndërsa partia e Le Pen 88.
