Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
BOTA
"Të shtënat kundër diplomatëve ishin një aksident"/ Netanyahu deklaron se janë gati për një armëpushim të përkohshëm për pengjet
m.lPërditësimi i fundit 22 Maj 2025, 22:54
IZRAEL- Benjamin Netanyahu hodhi poshtë iniciativat e shteteve të tjera për të njohur në mënyrë të njëanshme një shtet palestinez, duke thënë se terroristët e Hamasit "nuk duan një shtet palestinez, por të shkatërrojnë shtetin hebre".
Në një mesazh video në anglisht, kryeministri izraelit tha se "nuk e kuptoi kurrë se si kjo e vërtetë e thjeshtë u shpëton udhëheqësve të Francës, Britanisë dhe Kanadasë", të cilët pak ditë më parë lëshuan një deklaratë të përbashkët duke i bërë thirrje Izraelit të përfundojë luftën në Gaza, të heqë kufizimet për ndihmën humanitare, të ndalojë zgjerimin e vendbanimeve në Bregun Perëndimor dhe të fillojë të punojë drejt një zgjidhjeje me dy shtete.
“Sa i përket pengjeve, ne do të bëjmë çmos për t’i mbajtur të sigurt. Jam gati për një armëpushim të përkohshëm për të nxjerrë më shumë njerëz, por ne kërkojmë, dhe ju duhet të kërkoni, që të gjithë pengjet tona të lirohen dhe kjo të bëhet menjëherë”, shtoi kryeministri izraelit.
“Ne jemi në një luftë intensive në shtatë fronte të zhvilluar kundër nesh nga Irani dhe përfaqësuesit e tij. Ndonjëherë në luftë ndodhin aksidente", tha ai duke iu referuar incidentit të së martës me të shtëna paralajmëruese ndaj diplomatëve perëndimorë.
"Një incident i tillë ndodhi në Jenin. Për fat të mirë, askush nuk u lëndua. Ushtria jonë shprehu keqardhje për incidentin, sepse ne nuk synojmë civilë ose diplomatë. Ne po synojmë terroristët. Pikërisht e kundërta e Hamasit... Por unë nuk e dëgjoj këtë nga asnjë prej këtyre vendeve që kritikojnë Izraelin”, tha Netanyahu.
