Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Tragjedi në lumin Kongo/ Përfshihet nga flakët varka, humbin jetën 143 persona, qindra të zhdukur
n.fPërditësimi i fundit 19 Prill 2025, 07:46
Pamje nga vendngjarja
KONGO- 143 persona kanë vdekur dhe dhjetëra të tjerë janë zhdukur pas një zjarri që shpërtheu në një varkë në lumin Kongo në pjesën veriperëndimore të Republikës Demokratike të Kongos. Autoritetet theksojnë se 131 trupa u gjetën të mërkurën, 12 të tjerë u gjetën të enjten dhe të premten.
Një anëtar i një shoqate lokale, Joseph Locondo, deklaroi se "numri ende paraprak" i katastrofës është 145 të vdekur, disa prej të cilëve u karbonizuan dhe të tjerët vdiqën nga mbytja. Qindra persona rezultojnë të zhdukur pas zjarrit dhe përmbysjes së mjetit lundrues që transportonte rreth 500 persona. Numri i të vdekurve ishte vlerësuar më parë në 50.
Zjarri filloi teksa një grua po gatuante në varkë, tha komisioneri i lumit. Disa pasagjerë, përfshirë gra dhe fëmijë, vdiqën pasi u hodhën në ujë pa qenë në gjendje të notonin. Rreth 100 të mbijetuar u dërguan në një strehë të improvizuar në bashkinë lokale, ndërsa ata me djegie u dërguan në spitalet lokale.
Aksidentet me varka janë të zakonshme në Kongo, ku standardet e sigurisë shpesh janë të dobëta dhe varkat zakonisht janë të mbipopulluara. Në dhjetor të vitit të kaluar, 38 persona humbën jetën kur një varkë u përmbys në verilindje të Kongos. Vetëm dy muaj më parë, një varkë tjetër u përmbys në liqenin Kivu, në lindje të DRC, duke vrarë 78 pasagjerë.
