Asociacioni i Gazetarëve të Shqipërisë ka depozituar në Gjykatën Kushtetuese kërkesën kundër rregullores së ...
BOTA
Tragjedi/ Turisti humb jetën pasi kafshohet nga gjarpri gjatë një shfaqjeje
PiranjatPërditësimi i fundit 30 Prill 2026, 11:47
Një turist gjerman ka vdekur pasi një gjarpër iu fut në pantallona dhe e kafshoi ndërsa ai po shikonte një shfaqje në Egjipt gjatë pushimeve familjare, njoftoi policia gjermane të hënën. Burri 57-vjeçar po shikonte një shfaqje me zbutës gjarpërinjsh në një hotel në Hurghada, një destinacion i njohur pushimesh në bregun e Detit të Kuq, në fillim të prillit.
Dy zvarranikët e përfshirë, që raportohet se ishin kobra, u vendosën mbi qafët e spektatorëve, tha policia në landin jugor të Bavarisë.
“Zbutësi i gjarpërinjve” më pas lejoi që njëri nga gjarpërinjtë të hynte në pantallonat e turistit gjerman dhe ai e kafshoi në këmbë, thuhej në deklaratë. Viktima shfaqi “shenja të qarta helmimi” dhe u desh të ringjallej (reanimacion) përpara se të dërgohej në spital, por më vonë ndërroi jetë.
Burri, emri i të cilit nuk u bë publik, ishte nga distrikti Unterallgäu në Bavari dhe ishte me pushime me dy të afërm. Policia dhe prokurorët gjermanë po hetojnë vdekjen e tij dhe po presin rezultatet e analizave toksikologjike. Kur u kontaktuan nga AFP, autoritetet egjiptiane thanë se nuk kishin dijeni për incidentin.
Sipas World Health Organization, rreth 5.4 milionë njerëz në mbarë botën kafshohen nga gjarpërinjtë çdo vit dhe deri në 138,000 prej tyre vdesin. Shumica e rasteve fatale ndodhin në Indi.
Të paktën tre persona kanë vdekur nga kafshimet e gjarpërinjve në Kaliforninë Jugore vetëm gjatë dy muajve të fundit, raportoi CBS Los Angeles. Më herët këtë muaj, një grua vdiq pasi u kafshua nga një gjarpër me zile ndërsa po mblidhte lule në Palos Verdes Estates. Në mars, një burrë 25-vjeçar vdiq pasi u kafshua gjatë një shëtitjeje me biçikletë në Irvine, dhe një grua 46-vjeçare vdiq pasi u kafshua gjatë një ecjeje në Thousand Oaks./Përktheu Piranjat News
