Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Tragjedia e radhës në Kanalin Anglez/ Gomonia e tyre nisi të shfryhej dhe më pas u përmbyt, 4 emigrantë humbin jetën
r.llPërditësimi i fundit 12 Korrik 2024, 16:14
foto ilustruese
BRITANI- Katër migrantë kanë humbur jetën pasi gomonia e tyre u përmbyt gjatë një përpjekjeje për të kaluar Kanalin Anglez, sipas rojes bregdetare franceze. Gjatë natës, një varkë patrullimi e marinës raportoi se emigrantët kishin rënë në det në brigjet e Boulogne-sur-Mer në Francën veriore. Katër persona u gjetën të pajetë, ndërsa 63 të tjerë u shpëtuan.
Sekretarja e Brendshme e Mbretërisë së Bashkuar, Yvette Cooper e përshkroi incidentin si të tmerrshëm. Roja bregdetare tha se njerëzit ranë në det pasi një pjesë e gomones së tyre filloi të shfryhej. Katërmbëdhjetë persona u shpëtuan nga një anije peshkimi dhe 49 të tjerë nga anija e marinës franceze, tha roja bregdetare, raporton BBC.
Dy varka, një nga organizata bamirëse e shpëtimit detar në Mbretërinë e Bashkuar RNLI dhe një nga Forca Kufitare, u dërguan fillimisht nga Dover për të ofruar mbështetje, por nuk u kërkua të shkonin në vendngjarje, tha roja bregdetare e Mbretërisë së Bashkuar.
Jacques Billant, prefekt i rajonit Pas-de-Calais, u tha gazetarëve se nëntë persona ishin në gjendje të rëndë. Ai tha se vetëm një person në bord kishte veshur një jelek shpëtimi. Billant tha se 12 rrjete të kontrabandës janë "çmontuar" dhe më shumë se 300 arrestime janë bërë që nga fillimi i vitit 2024.
Shifrat e Zyrës së Brendshme të Mbretërisë së Bashkuar tregojnë se 484 migrantë kaluan Kanalin Anglez të hënën dhe të martën. Më 18 qershor, 882 njerëz kaluan Kanalin me 15 varka të vogla – një rekord i ri për vitin e deritanishëm . Sipas të dhënave të Home Office, këto mbërritje ishin më të lartat në një ditë të vetme që nga tetori i vitit 2022. Mbi 13,000 njerëz kanë arritur me sukses në Mbretërinë e Bashkuar përmes Channel deri më tani këtë vit.
Sipas Organizatës Ndërkombëtare për Migracionin (IOM) të lidhur me OKB-në, më shumë se 20 njerëz dihet se kanë vdekur gjatë përpjekjeve për të kaluar Kanalin këtë vit. Këtu përfshihet një vajzë shtatëvjeçare e cila vdiq në mars pasi një varkë e vogël që po përpiqej të arrinte në Kanalin Anglez u përmbys disa kilometra larg bregut të Dunkirk. Një muaj më vonë pesë persona, përfshirë një vajzë tjetër shtatëvjeçare, vdiqën ndërsa një varkë me 112 emigrantë u rrëzua në një breg rëre pasi u largua nga Wimereux, afër Boulogne , përpara se të vazhdonte.
