Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Trudeau-udhëheqësve të biznesit: Kërcënimi i Trump për të aneksuar Kanadanë mund të jetë real!
E.DPërditësimi i fundit 8 Shkurt 2025, 07:41
KANADA- Kryeministri kanadez Justin Trudeau ka shprehur shqetësimin në prapaskenë se presidenti amerikan Donald Trump mund të ketë vërtetë interes për ta bërë Kanadanë shtetin e 51-të të SHBA. Trudeau e bëri të qartë se ai nuk i konsideronte deklaratat e Trump si thjesht një “shaka”dhe beson se aneksimi është diçka që Kanadaja duhet ta trajtojë si një kërcënim serioz.
“Unë sugjeroj që jo vetëm që administrata Trump e di se sa minerale kritike kemi, por kjo mund të jetë edhe arsyeja pse ata vazhdojnë të flasin për neve duke thënë se duan të na bëjnë shtetin e 51-të”, tha kryeministri kanadez në një mbledhje në Toronto të drejtuesve të kompanive kanadeze, industrisë dhe liderëve të sindikatave të premten në mëngjes.
“Ata janë shumë të vetëdijshëm për burimet tona, për atë që kemi dhe ata duan shumë të jenë në gjendje të përfitojnë nga ato,” tha Trudeau në përgjigje të një pyetjeje nga foltorja, pasi mediat ishin nxjerrë nga salla.
Mediat ishin larguar nga dhoma kur Trudeau bëri këtë deklaratë, por të paktën dy media, The Toronto Star dhe CBC, ishin në gjendje ta regjistronin.
Pas rizgjedhjes së tij, Donald Trump kërcënoi se do të vendoste tarifa të larta për produktet nga Kanadaja për shkak të sigurisë së dobët kufitare. Pas një bisede me kryeministrin kanadez Justin Trudeau, vendosja e tarifave u shty me një muaj.
