Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Trump mbledh miliarderë dhe multimilionerë në administratën e tij të dytë, ekipi qendror ka një pasuri mbi 360 mld dollarë
e. dPërditësimi i fundit 6 Dhjetor 2024, 18:13
SHBA- Presidenti i sapozgjedhur, Donald Trump ka mbledhur shumë miliarderë dhe multimilionerë për të plotësuar rolet kyçe në administratën e tij të dytë. The Guardian shkruan se të paktën 11 zgjedhje për pozicione strategjike pas kthimit të Trump në Shtëpinë e Bardhë në janar, kanë arritur vetë statusin e miliarderit, ose kanë bashkëshortë miliarderë dhe janë brenda kufirit të këtij pragu.
Gjithashtu administrata e dytë e Trump ka një vlerë totale mbi 340 miliardë dollarë. Dhe kjo vlerë tejkalon lehtësisht atë të kabinetit të parë të Trump, i cili në atë kohë ishte kabineti më i pasur i SHBA-së i formuar ndonjëherë, që përmbante anëtarë të tillë super të pasur si Rex Tillerson, ish-shefi ekzekutiv i ExxonMobil, i cili u emërua sekretari i shtetit dhe Wilbur Ross, sekretari i tregtisë, i cili ishte bërë i pasur me ristrukturimin e kompanive të falimentuara.
Më i pasuri i administratës së 2-të të Trumpit është Elon Musk, bosi i Tesla dhe SpaceX, i cili është njeriu më i pasur në botë, me një pasuri prej mbi 337 mld usd. Së bashku me Vivek Ramaswamy, një tjetër sipërmarrës i teknologjisë që thuhet se ka të paktën 1 miliard dollarë, Musk është vënë në krye të departamentit të sapokrijuar të efikasitetit të qeverisë, i njohur tashmë me akronimin e tij Doge, misioni i të cilit është të shkurtojë mbeturinat nga shpenzimet publike.
Musk është zotuar të shkurtojë 2 trilion dollarë nga buxheti kombëtar. Ai nuk ka shpjeguar se si dhe në cilën periudhë, megjithëse ka paralajmëruar se kjo mund të sjellë “ vështirësi të përkohshme ekonomike”. As Musk dhe as Ramaswamy nuk do të kenë nevojë për konfirmimin e Senatit, pasi Doge nuk është një departament apo agjenci zyrtare qeveritare. Por Trump ka emëruar miliarderë edhe në postet që kërkojnë miratimin e Senatit, në të cilat pasuria e tyre mund të bëhet problem.
Këtu përfshihet Linda McMahon, e nominuara për sekretare Arsimi. Bashkëshorti i saj, Vince McMahon, ka një pasuri me vlerë prej rreth 3 miliardë dollarë. Guvernatori i Dakotës së Veriut dhe ish-biznesmeni Doug Burgum, i caktuar si sekretar i Brendshëm; Howard Lutnick, kryetari dhe shefi ekzekutiv i Cantor Fitzgerald, i cili është emëruar si sekretar i tregtisë; dhe Scott Bessent, një menaxher i fondeve mbrojtëse dhe ish-partner në Soros Investment Management, i cili është emëruar si sekretar i Thesarit, kanë pasuri me vlerë të përbashkët rreth 10.7 miliardë dollarë 4.5 miliardë dollarë më shumë se kabineti i parë i Trump.
Të tjerët që i nënshtrohen konfirmimit të Senatit janë Charles Kushner një manjat pronash dhe babai i dhëndrit të Trump, Jared Kushner ambasadori i mundshëm në Paris; Warren Stephens, drejtues i një banke investimesh dhe i zgjedhur si ambasador në Londër; Jared Isaacman, një astronaut dhe sipërmarrës komercial, i cili është nominuar për të kryesuar Administratën Kombëtare të Aeronautikës dhe Hapësirës (NASA); dhe Kelly Loeffler, një ish-senator i GOP dhe kreu i përbashkët i komitetit inaugurues të Trump, tani zgjedhja e tij për të drejtuar Administratën e Biznesit të Vogël.
Sipas Forbes, të gjithë i përkasin nën grupit të miliarderëve qoftë individualisht, qoftë përmes lidhjeve martesore apo familjare. Gjithashtu Steve Witkoff, një tjetër manjat pronash, i cili u zgjodh nga Trump si i dërguari i tij në Lindjen e Mesme, ka një pasuri neto prej 1 miliard dollarë. Më pas është Frank Bisignano, i emëruar si kreu i Administratës së Sigurimeve Shoqërore, që do të jetë përgjegjës për menaxhimin e pensioneve dhe përfitimeve të pensionistëve të vendit. Ai është Presidenti i Fiserv Inc, një firmë teknologjike financiare me bazë në Wisconsin, me pasuri që vlerësohet në rreth 974 milionë dollarë.
