Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Trump përsëriti dëshirën për kontrollin e SHBA, Danimarka rrit mbrojtjen e Grenlandës
ZH.LLPërditësimi i fundit 25 Dhjetor 2024, 07:53
Greonlanda
DANIMARKË- Qeveria daneze ka njoftuar një plan të madh për të forcuar kapacitetin mbrojtës të Grenlandës vetëm disa orë pasi presidenti i zgjedhur i SHBA-së, Donald Trump, përsëriti publikisht dëshirën e tij për të blerë vendin arktik, ku jetojnë vetëm 56,000 njerëz.
Pa dhënë detaje, ministri danez i Mbrojtjes Troels Lund Poulsen i tha medias daneze Jyllands-Posten se Kopenhagen do të investonte një shumë miliardë dyshifrore në korona daneze për të përmirësuar mbrojtjen e vendit. Shpenzimet e papërcaktuara të mbrojtjes mund të arrijnë nga 1.34 miliardë euro në 13.27 miliardë euro.
Trump tha të dielën në platformën e tij të mediave sociale, Truth Social se SHBA do të kërkonte pronësinë dhe kontrollin e Grenlandës për "qëllime të sigurisë kombëtare dhe lirisë në të gjithë botën". Vërejtjet erdhën vetëm disa ditë pasi ish-presidenti amerikan sugjeroi dëshirën e Uashingtonit për të marrë pronësinë e Kanadasë fqinje dhe për të rimarrë Kanalin e Panamasë.
Në përgjigje, kryeministri i Groenlandës Mute Egede tha se "Grenlanda i përket popullit të Grenlandës". Ai gjithashtu deklaroi se vendi i tij “nuk është në shitje dhe nuk do të jetë kurrë në shitje. Ne nuk duhet ta humbim luftën tonë të gjatë për liri.”
Groenlanda ka qeverinë e saj të gjerë lokale, por është ende e lidhur me kurorën daneze.
Vendi ishte një koloni daneze deri në vitin 1953, kur u riklasifikua si një distrikt i Danimarkës. Grenlanda më pas u integrua plotësisht në shtetin danez sipas kushtetutës së Danimarkës, duke i bërë njerëzit e saj qytetarë të Danimarkës./ Euronews
