Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Trump reagon për djegien e kishës në Michigan: Sulm i synuar ndaj të krishterëve
PiranjatPërditësimi i fundit 28 Shtator 2025, 21:23
Presidenti i SHBA-së, Donald Trump, dënoi sulmin ndaj Kishës së Jezu Krishtit në Grand Blanc të Michiganit, në një postim në Twitter, duke e përshkruar incidentin e përgjakshëm si një “sulm të synuar ndaj të krishterëve në Shtetet e Bashkuara”.
“Jam informuar për sulmin e tmerrshëm të armatosur. FBI-ja mbërriti menjëherë në vendngjarje, do të udhëheqë Hetimin Federal dhe do t’u ofrojë mbështetje të plotë zyrtarëve shtetërorë dhe lokalë. I dyshuari ka vdekur, por ka ende shumë për të mësuar”, tha Trump në një postim në Truth Social.
“Ky duket të jetë një tjetër sulm i synuar kundër të krishterëve në Shtetet e Bashkuara të Amerikës”, vuri në dukje ai.
Trump u bëri thirrje ithtarëve të tij të luten “për viktimat dhe familjet e tyre”. “Kjo epidemi dhune në vendin tonë duhet të marrë fund menjëherë”, paralajmëroi ai.
Ngjarja ndodhi ndërsa komuniteti po vajtonte vdekjen e presidentit më të vjetër të kishës, Russell Nelson, i cili ndërroi jetë një ditë më parë në Salt Lake City në moshën 101 vjeçare. Policia njofton se e ka ekzekutuar autorin e ngjarjes së rëndë dhe se aktualisht nuk ka problem për sigurinë e banorëve të zonës, ndërsa po punohet për shuarjen e flakëve të zjarrit të rënë kishën katolike.
Siç raporton The Guardian, nga Shtetet e Bashkuara janë raportuar disa sulme këtë fundjavë.
Sulmi në North Carolina
Në Southport, North Carolina, rreth orës 21:30 të së shtunës, 27 shtator, një person i identifikuar si Nigel Edge hapi zjarr nga një varkë drejt një turme që qëndronte pranë një bari në zonën e portit. Pasojat ishin fatale, me tre të vdekur dhe të paktën tetë të plagosur.
Sulmi në kazinonë e Texas
Në Eagle Pass, Texas, një sulm në kazinonë Kickapoo Lucky Eagle ndodhi mëngjesin e sotëm. Dy persona mbetën të vrarë dhe pesë të plagosur. Autoritetet po kërkojnë autorin, ndërsa motivi nuk është bërë publik.
Sulmi në New Orleans
Në Bourbon Street, New Orleans, një grua u vra dhe tre të tjerë u plagosën në një incident në rrugën kryesore të qytetit.
Sipas Gun Violence Archive, brenda këtij viti, janë regjistruar më shumë se 320 sulme masive në Shtetet e Bashkuara.
