Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Turqia miraton projekt-ligjin për "agjentët e ndikimit", gazetarët mund të dënohen 3-7 vjet burg nëse shkelin sigurinë e shtetit
n.fPërditësimi i fundit 15 Maj 2024, 15:03
Foto ilustruese
TURQI- Parlamenti turk pritet të marrë së shpejti një projekt-ligj për "agjentët e ndikimit", i cili do të parashikojë dënime me burg për gazetarët dhe studiuesit e akuzuar për veprim në favor të interesave të huaja. Projektligji, i cili ndryshon kodin penal, parashikon nga tre deri në shtatë vjet burg për "çdo person që kryen ose urdhëron një hetim ndaj qytetarëve dhe institucioneve (të Turqisë) me qëllim të veprimit kundër sigurisë, interesave politike, të brendshme apo të jashtme të shtetit, në përputhje me urdhrat ose interesat strategjike të një organizate të huaj ose të një shteti të huaj”.
Teksti nuk rendit aktivitetet që synon, por një zyrtar nga partia e ekstremit të djathtë MHP, një aleate e AKP-së në pushtet, dha një foto në një mesazh në rrjetin social X: ka të bëjë me "ekonominë, financat, ushtrinë, mbrojtja kombëtare, shëndeti publik, siguria publike, rendi publik, teknologjia, kultura, transporti, komunikimi, hapësira kibernetike, infrastruktura kritike dhe energjia", sipas nënpresidentit të MHP Fety Yildiz.
Kodi penal turk tashmë parashikon burgim nga një deri në pesë vjet për këdo që zotëron "dokumente (...) që duhet të kishin mbetur sekret për sigurinë, interesat e brendshme dhe të jashtme politike të shtetit".
Ligji po shkakton edhe më shumë shqetësim sepse i bën jehonë atij të miratuar dje, të martën, nga parlamenti gjeorgjian dhe të quajtur "ligj rus" nga kritikët e tij, të cilët demonstruan në Tbilisi. Organizata joqeveritare Reporterët pa Kufi (RSF) shprehu shqetësimin e saj për mungesën e "masave paraprake për të parandaluar abuzimet gjyqësore".
“Kemi frikë se ky projektligj që ndryshon Kodin Penal kërcënon me burg çdo gazetar që punon për një media që mbijeton nga fondet ndërkombëtare”, shkruan sot Erol Onteroglu, përfaqësues i Reporterëve pa Kufij në Turqi.
“Qeveria e Erdoganit vazhdon të minojë tokën e lirisë së shprehjes dhe shtypit”, nënvizuan në një deklaratë Reporterët pa Kufij.
"Pas instrumentalizimit të legjislacionit të 'dezinformimit'", vazhdojnë ata, "paditja e një shumëllojshmërie të gjerë influencuesish rrezikon të dobësojë më tej praktikën e gazetarisë së lirë, pluraliste dhe të pavarur në Turqi".
