Amerikanët do ta ndajnë ndeshjen në katër pjesë nga 25 minuta, vetëm që të fusin reklama, kishte deklaruar legjenda e ...
BOTA
Vala e të nxehtit pushton Austrinë, temperaturat thyejnë rekordet e mëparëshme
PiranjatPërditësimi i fundit 1 Korrik 2026, 16:00
AUSTRI- Austria ka përjetuar valën më të gjatë të të nxehtit të regjistruar ndonjëherë për muajin qershor, me temperatura që tejkalojnë rekordet e mëparshme me një mesatare prej 1.4 °C, sipas shifrave zyrtare të publikuara sot nga shërbimi kombëtar meteorologjik.
"Ajo që është e jashtëzakonshme në lidhje me rekordet e reja të qershorit është se ato janë vetëm disa të dhjetat e një shkalle mbi ato të mëparshmet", tha në një deklaratë eksperti i klimës Alexander Orlik i GeoSphere Austria.
Mediat e huaja bëjnë me dije se, mesatarisht, temperaturat e reja maksimale për qershorin 2026 tejkaluan rekordet e mëparshme me 1.4 °C. Në varësi të rajonit, temperatura arriti të paktën 30°C për 10 deri në 14 ditë, në lartësi nën 800 metra.
"Kushte të tilla nuk janë parë kurrë më parë në shkallë kombëtare në qershor", theksoj Orlik.
Kjo valë e hershme e nxehtësisë pritet të përfundojë me mbërritjen e stuhive këtë pasdite në Austrinë lindore, sipas parashikimeve të motit. Në total, një rekord vjetor u regjistrua në 66 stacione meteorologjike. Me fillimin e valës së nxehtësisë më 18 qershor 2026, pragu prej 35°C u regjistrua ose u tejkalua në rreth gjysmën e 277 stacioneve meteorologjike GeoSphere Austria.
Edhe gjatë natës ngarkesa e nxehtësisë u rrit dhe rekordi kombëtar për natën më të ngrohtë në Austri u thye më 29 qershor.
