Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
VIDEO/ Ashensori del jashtë kontrollit, burri sheh gruan që bie për vdekje
E.DPërditësimi i fundit 10 Tetor 2024, 22:41
BRAZIL- Pamje të rënda të kamerave të sigurisë janë publikuar në mediat braziliane ku bashkëshorti shikon në kamera gruan e tij që bie drejt vdekjes në ashensorin me avari në pallatin e banimit ku punonte. Pamjet e ngjarjes në Sao Paulo, Brazil, tregojnë viktimën 45 vjecare Adriana Maria de Jesus, që shkon për të punuar te një famije në pallat, teksa bashkëshorti i saj Gildelio Alves do Santos, i cili punonte si portier i pallatit, kishte parë momentet e saj të fundit në monitorin e sigurisë.
Pamjet e publikuara sot në media tregojnë Adriana që hyn në ashensorin e ndërtesës Santo Andre Building në katin e pestë. Ashensori fillimisht ngjitet dy kate, ku dy burra hyjnë në të. Mjeti kthehet në katin e pestë kur papritur nis te bjere në rënie të lirë me tre personat brenda, duke u përplasur në katin e parë me shpejtësi.
Adriana shihet që fillimisht ngre duart në panik por më pas zhduket në tymin e ngritur nga përplasja. Incidenti tragjik ka ndodhur rreth dy muaj më parë dhe një hetim ka nisur mbi vdekjen, shkruajnë mediat vendase.
Bashkëshorti i saj zemërthyer Gildelio tha: “Pashë në monitor sesi gruaja ime u ngjit lart dhe gjithçka ishte normale, kur nisi të zbriste isha i tmerruar. Zemra ime është e thyer. Duhet të gjej forcën të punoj dhe të vazhdoj jetën”.
Adriana ishte dërguar në spital me plagë të shumta por kishte vdekur disa ditë më vonë. Dy burrat në ashensor më moshë 63 e 27 vjeç i mbijetuan përplasjes dhe kanë dalë tashmë nga spitali, sipas raportimeve. Adriana e Gildelio kishin qene bashkë që prej rinisë së tyre por ishin martuar vetëm vitet e fundit. Zyrtarë të sigurisë në Sao Paulo thanë se po hetonin rastin si vdekje e dyshimtë dhe lëndim trupor.
