Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
VIDEO/ Dy vajza të mitura dhe gjyshja e tyre filmuan gjithçka teksa ishin të bllokuara nën rrënoja pas tërmetit shkatërrues në Myanmar
n.fPërditësimi i fundit 31 Mars 2025, 19:20
MYANMAR- Videot e shpërndara nga të mbijetuarit në rrjete sociale kan paraqitur momentet e tmerrshme që kanë përjetuar banorët nën rrënoja pas tërmetit të fuqishëm që goditi Myanmarin të premten. Në video shfaqen dy vajza, 13 dhe 16 vjeç, dhe gjyshja e tyre, të shtrira në një zonë plot rrënoja pas tërmetit shkatërrues 7.7 ballë.
Vajzat dhe gjyshja e tyre u bllokuan ndërsa përpiqeshin të arratiseshin nga apartamenti i tyre në katin e gjashtë në qytetin e dytë më të madh të vendit, Mandalay, i cili është afër epiqendrës së tërmetit. Në panik vrapuan drejt shkallëve të urgjencës, por ndërtesa u shemb dhe u bllokuan në rrënoja.
Babai i vajzës fillimisht mendoi se vajzat dhe nëna e tij kishin vdekur dhe apeloi për ndihmë në rrjetet sociale për të rimarrë trupat e tyre. Por ato ishin gjallë dhe me telefonat e tyre filmuan momentet vendimtare para shembjes së ndërtesës.
Videos show how a heart diseased 75yr old grandmother and her 16 and 13yr old grandchildren stayed strong for over 15 hours in the rubble of a #Mandalay condo that had collapsed during the #MyanmarEarthquake My heart aches????How many more people are still trapped alive like this? pic.twitter.com/aQqb2wVicZ
“Vajzat e mia po regjistronin video në telefonat e tyre duke menduar se nëse ato dhe gjyshja do të vdisnin, dikush mund t’i gjente telefonat dhe ne, babai dhe nëna, do t’i shihnim”, ka shkruar babai i tyre në Facebook.
Në postimin e tij, ai shkroi gjithashtu se familja e tij mund të dëgjonte njerëz të tjerë të bllokuar poshtë tyre në rrënojat e pallatit Sky Villa.
Shpëtuesit përfundimisht i gjetën dhe përdorën një çekiç për të bërë një vrimë të vogël përmes së cilës mund t’u dërgonin ujë, por ata duhej të shkonin të merrnin pajisje shtesë. Të mbetura vetëm, vajzat morën gjërat në duart e tyre dhe përdorën çekiçin për të zgjeruar hapjen dhe për të shpëtuar.
