Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
BOTA
VIDEO/ "Më kanë kaluar jetën me skaner dhe nuk gjetën asgjë!" Aksesi i paligjshëm në llogarinë e saj bankare, Meloni: Nuk i dorëzohem presionit
M.B.Përditësimi i fundit 13 Tetor 2024, 09:07
ITALIA- Kryeministra italiane, Giorgia Melon, në një intervistë me rrjetin televiziv Canale 5, foli për rastin e aksesit të paligjshëm në llogarinë e saj bankare, nga një ish-punonjës i bankës. Meloni theksoi se për gjithë këtë çështje ka një shpjegim, por shpreson që në një moment të vijë e vërteta gjyqësore.
"E dini, ka hajdutë që hyjnë në shtëpi, vjedhin gjërat me vlerë dhe ia shesin marrësit. Mendoj se e njëjta gjë po ndodh me tregun më të gjerë të informacionit”, tha Meloni.
Ajo shtoi se ka zyrtarë publikë dhe privatë që sigurojnë në mënyrë të paligjshme disa informacione dhe më pas i shesin në treg.
"Kujt ia shesin? Ne presim përgjigjen. Mund të supozojmë se pas gjithë kësaj fshihen interesa”, tha ajo.
Duke iu referuar edhe survejimit të llogarisë së saj personale bankare, kryeministrja italiane shtoi se janë mijëra persona që janë viktima të këtyre përgjimeve të paligjshme bankare.
"Nëse më pyesni pse, për sa u përket politikanëve, janë thuajse të gjithë të qendrës së djathtë dhe pse unë jam personi më i rëndësishëm në Itali, do të përgjigjem se në gjithë këtë dramë ka një lajm të mirë: që më kanë kaluar jetën me skaner dhe nuk gjetën asgjë.
Kjo, ndoshta, është arsyeja pse jam aq shumë e zhveshur. Ndoshta ka grupe presioni në vendin tonë. Këto grupe nuk duan të pranojnë që në qeveri ka dikë që nuk i nënshtrohet presionit, që nuk mund të bëhet objekt shantazhi dhe mundohen, ndoshta, ta heqin nga rruga në mënyra të tjera. Por kam frikë se nuk do të kenë sukses”, tha Meloni.
